हिंगोली (Hingoli):- मराठा सेवा संघ व सलग्निक कक्षाच्या वतीने गेल्या पंचवीस वर्षापासून हिंगोली येथे राष्ट्रमाता राजमाता मासाहेब जिजाऊ व्याख्यानमालेचे अविरतपणे आयोजन करण्यात आले आहे, यंदा दिनांक 5 जानेवारी ते 7 जानेवारी दरम्यान कै. शिवाजीराव देशमुख सभागृहात ही व्याख्यानमाला पार पडणार आहे.
मराठा सेवा संघाच्या वतीने जानेवारी राष्ट्रमाता जिजाऊ व्याख्यानमाला
दरवर्षी हिंगोलीत राष्ट्रमाता राजमाता मासाहेब जिजाऊ व्याख्यानमालेचे आयोजन जानेवारी महिन्यात करण्यात येते, त्याबाबत व्याख्यानमालेच्या पूर्वतयारीसाठी स्मृतीशेष अँड. प्रल्हादराव उमरेकर विद्यार्थी वसतिगृहात बैठक संपन्न झाली, यंदा व्याख्यानमालेचे 26 वर्ष असून दिनांक 5 ते 7 जानेवारी दरम्यान व्याख्यानमालेचे आयोजन करण्यात आले आहे. तीन दिवस वेगवेगळ्या विषयावर महाराष्ट्रातील (Maharashtra) नामवंत व्याख्याते प्रबोधन करणार आहेत. भारतीय संविधानाला (Constitution of India) 75 वर्षे झाल्याबद्दल तसेच मराठा सेवा संघाचे संस्थापक अध्यक्ष पुरुषोत्तम खेडेकर यांना 75 वर्षे होत असल्याने विशेष कार्यक्रमाचे आयोजन करण्याची तयारी बैठकीत करण्यात आली आहे.
वेगवेगळ्या समित्या करून कार्यक्रमाची जबाबदारी देण्यात आली आहे. नियोजन बैठकीला संभाजी ब्रिगेडचे प्रदेशाध्यक्ष मनोज आखरे, खंडेराव सरनाईक, सुधाकर इंगोले, राजकुमार वायचाळ, सुधाकर बल्लाळ, पंडित शिरसाट माधव जाधव, विश्वास वानखडे, सोमनाथ इंगोले यांची उपस्थिती होती.
