No-confidence motion withdrawn : उपाध्यक्षावरील अविश्वास प्रस्ताव विनाअट घेतला मागे

एटापल्ली (No-confidence motion withdrawn) : स्थानीक नगरपंचायतीच्या १२ नगरसेवकांनी विद्यमान उपाध्यक्षा मिना  नागुलवार यांच्या विरोधात १२ जानेवारी रोजी दाखल केलेला अविश्वास प्रस्ताव दुसर्‍याच दिवशी विनाअट मागे घेतल्याने एटापल्ली  शहरातील नागरीकामध्ये नगरसेवकांच्या भुमिकेवर प्रश्नचिन्ह उपस्थित  केले आहेत.
१२नगरसेवकांनी   उपाध्यक्षा मीना  पोचरेड्डी नागुलवार यांच्या विरुद्ध विद्यमान अध्यक्ष  यांच्याकडे अविश्वास प्रस्ताव सादर केला होता.
ज्या नगर सेवकांनी अविश्वास प्रस्ताव सादर केला त्याच नगर सेवकांनी अविश्वास प्रस्ताव विनाअट मागे घेतला आहे.त्यात निर्मला जयेंद्र कोंडबत्तुलवार , राघवेंद्र  सुल्वावार , राहुल कुळमेथे , बिरजू तुम्मा, निर्मला हिचामी , शालिनी  कुंभारे ,जनो  गावडे , जितेंद्र टिकले, सरिता  गावडे , कविता रावलकर , रेखा मोहुर्ले,  नामदेव  हिचामी यांचा समावेश आहे.
यामुळे उपाध्यक्ष  यांना कोणत्याही प्रकारच्या प्रक्रियेला सामोरे जाण्याची आवश्यकता निर्माण  झाली नाही. त्यामुळे उपाध्यक्ष यांच्या गोठ्यात आनंदाचे वातावरण निर्माण झाले आहे.अविश्वास प्रस्ताव मागे घेण्यात आल्याने नागरिकात तर्क वितर्क  व्यक्त केले  जात असून चर्चेला उधाण आले आहे.