गडचिरोली(Gadchiroli):- कुरखेडा तालुक्यातील कढोली येथील पाच मित्र आंघोळ करायला गावालगत असलेल्या सती नदीच्या घाटावर विशाल ताराचंद सहारे वय२० वर्षे, अमन लक्ष्मण निंबेकर वय२०वर्षे, प्रणय ऋषी सोनुले वय २०वर्षे, देवानंद मारुती चौधरी वय१९ वर्षे, प्रज्योत वामन सहारे वय १४ वर्षे सर्व कढोली येथील रहिवासी असून हे आंघोळ करण्याकरिता गेले असता विशाल ताराचंद सहारे याला नदीत असलेल्या खोल पाण्याचा अंदाज न लागल्याने त्याचा पाण्यात बुडून मृत्यू झाल्याची घटना काल दि १३ ला अंदाजे दोन ते तीन वाजताच्या दरम्यान घडली.
तो पाण्यात बुडाल्याची माहिती त्याच्या मित्रांनी सांगितली नंतर तिथे बघ्यांची गर्दी वाढली व कढोली येथील संतोष मानकर, सुरेश मानकर निखिल मानकर, गंगाधर कोल्हे व गावकरी यांच्या सहकार्याने शोध मोहीम राबविली असता घटनास्थळापासून अवघे पन्नास मीटर अंतरावर प्रेत मिळाले असून शवविच्छेदनाकरिता उपजिल्हा रुग्णालय(hospital) आरमोरी येथे हलविण्यात आले . मर्ग दाखल करीत पुढील तपास आरमोरी पोलीस करीत आहेत.
