अर्जुनी/मोरगाव(Arjuni/Morgaon):- दि.4 मे 2024 रोजी श्री भीमराव देवराव सांगळे वय 60 वर्ष रा.जवळका तालुका सिंदखेड राजा जि.बुलढाणा हे देवदर्शनासाठी शेगाव (Shegaon) येथे आले होते. त्यांना स्मृतीभंश चा त्रास असल्याने त्यांची मानसिक स्थिती ठीक नव्हती. त्यामुळे शेगाव येथून ते रस्ता विसरले. त्यानंतर ते वेगवेगळ्या वाहनातून व पायी भटकत भटकत दि. 9 मे रोजी मौजा कोरंबी या गावी आले. सदर बाबतीत कोरंबी गावचे सरपंच सुशील प्रेमलाल टेंभुर्णे यांनी अर्जुनी/मोरगाव पोलीस स्टेशनचे पोलीस निरीक्षक विजयानंद पाटील यांना माहिती दिली.
सबंधित भटकत आलेला व्यक्ती भीमराव देवराव सांगळे यास पोलीस ठाण्यास आणून त्याला विश्वासात घेऊन अधिक चौकशी केली असता त्याचे गावाचे नाव व पत्ता माहीत झाल्याने अर्जुनी/मोरगाव पोलीसांनी सदर ठिकाणी संपर्क करून माहिती त्यांचा मुलगा केशव भीमराव सांगळे यांना दिली. किशोर भीमराव सांगळे यांची घरची परिस्थिती बेताची असल्याने त्यांना येण्यासाठी वेळ लागणार असल्याचे कळवले.
त्यावरून अर्जुनी/मोरगाव पोलीसांनी भीमराव देवराव सांगळे यांची पोलीस ठाणे येथे राहण्याची व भोजनाची (Accommodation and food) व्यवस्था केली. आज 11 मे रोजी किशोर भीमराव सांगळे हे त्यांच्या वडिलांना घेण्यासाठी पोलीस ठाण्यास आले असता दोघा पिता पुत्रांची भेट झाली व दोघांचेही अश्रू अनावर झाले. पोलीसांनी भीमराव देवराव सांगळे यांना नवीन कपडे देऊन प्रेमाने त्यांच्या मुलाच्या ताब्यात देऊन त्यांच्या मूळ गावी रवाना केले. अर्जुनी/मोरगाव पोलीसांनी (Police)केलेल्या स्तुत्य कामगिरीबद्दल पोलीसांचे सर्वत्र कौतुक होत आहे.
