राज्यात मुसळधार पावसाची शक्यता
नवी दिल्ली/मुंबई (Today Weather Update) : राजधानीच्या काही भागात हलका पावसाच्या सरी कोसळल्या. पुढील 48 तासांत राजधानी परिसरात पाऊस पडण्याची शक्यता, हवामान विभागाने (Weather Forecast) वर्तविली आहे. याबाबत ऑरेंज अलर्ट जारी करण्यात आला असून येत्या 2 दिवसांत उत्तर भारतात पावसाचा जोर वाढण्याची शक्यता आहे. मध्य प्रदेश, बिहार, राजस्थान, उत्तर प्रदेश, महाराष्ट्रासह अनेक राज्यांमध्ये अतिवृष्टीचा इशारा हवामान विभागाने जारी केला आहे. तसेच आसाम आणि अरुणाचल प्रदेशात सततच्या (Heavy Rain) मुसळधार पावसामुळे अनेक जिल्हे जलमय झाले आहेत. हवामान विभागाने पूर्वेकडील सर्व राज्यांसाठी रेड अलर्ट जारी केला आहे.
जुलैमध्ये मुसळधार पाऊस; महाराष्ट्रात अतिवृष्टीचा इशारा
कडाक्याच्या उन्हात मान्सूनने नागरिकांना दिलासा दिला आहे. (Weather Forecast) हवामान विभागानुसार, यंदा नैऋत्य मान्सून नियोजित वेळेच्या सहा दिवस आधी संपूर्ण देशात दाखल झाला आहे. मान्सून 30 जून रोजी केरळ आणि ईशान्येकडे पोहोचला असून, नियोजित वेळेच्या 2 ते 6 दिवस आधी आहे. महाराष्ट्रापर्यंत मान्सूनची वाटचाल अपेक्षेप्रमाणे होत असली तरी, पश्चिम बंगाल, ओडिशा, झारखंड, बिहार, छत्तीसगड, मध्य प्रदेश, उत्तर प्रदेशमध्ये पावसाची सुरुवात मंदावली आहे.
मान्सूनचे 6 दिवसांपूर्वी आगमन
हवामान विभागानुसार (Weather Forecast), नैऋत्य मान्सून आज राजस्थान, हरियाणा आणि पंजाबमध्ये वेगाने पुढे जाणार आहे. मान्सून 2 जुलै रोजी संपूर्ण देशात पोहोचला आहे, जो साधारणपणे 8 जुलै रोजी पोहोचतो. त्यामुळे ते 6 दिवसांपूर्वीच संपूर्ण देशात पोहोचले आहे. यासोबतच, येत्या 4-5 दिवसांत उत्तर-पश्चिम, पूर्व आणि ईशान्य भारतात सक्रिय मान्सून पुढे सरकेल, अशी माहिती हवामान विभागाने दिली आहे. येत्या 5 दिवसात सामान्यपेक्षा जास्त पाऊस पडण्याची शक्यता आहे.
#WATCH | Heavy rain in Karnataka's Mangaluru today morning. IMD has issued rainfall and thunderstorm alert for the city till 6th July pic.twitter.com/YW5RJV01EL
— ANI (@ANI) July 3, 2024
येथे आज पावसाचा यलो अलर्ट
राजधानीत आज ढगाळ वातावरण राहणार असून, मेघगर्जनेसह पाऊस पडण्याची शक्यता (Weather Forecast) हवामान विभागाने वर्तवला आहे. यासोबतच दिल्लीतील पावसाच्या पार्श्वभूमीवर हवामान विभागाने यलो अलर्ट जारी केला आहे. येथे आज कमाल तापमान 35 अंश सेल्सिअस, तर किमान तापमान 28 अंश सेल्सिअस राहील. हवामान विभागानुसार, येत्या काही दिवसांत ढगाळ वातावरण आणि पाऊस पडण्याची शक्यता आहे.
गुजरातमध्ये मुसळधार पावसाची शक्यता
हवामान विभागाचे म्हणणे आहे की, आज येथे मुसळधार पाऊस पडू शकतो. सुरत, नवसारी, वलसाड आणि दमण आणि दादरा नगर हवेलीमध्ये 3 जुलै रोजी मुसळधार पाऊस पडू शकतो. गुजरातला सध्या दोन चक्रीवादळांचा सामना करावा लागत आहे, एक उत्तर गुजरातमध्ये आणि दुसरा दक्षिण गुजरातमध्ये, ज्यामुळे येथे (Heavy Rain) अतिवृष्टी होण्याची शक्यता आहे,
मध्य प्रदेशातील 22 जिल्ह्यांमध्ये पावसाचा इशारा
हवामान विभागाने (Weather Forecast) मध्य प्रदेशातील 22 जिल्ह्यांमध्ये अतिवृष्टीचा इशारा दिला आहे. अशा परिस्थितीत लोकांनी केवळ हवामान लक्षात घेऊन घराबाहेर पडावे आणि गरज नसल्यास घरातच राहावे, असे आवाहन करण्यात आले आहे.
