पिडित महिलेच्या तक्रारीवरुन परभणीच्या जिंतूर पोलीस ठाण्यात गुन्हा दाखल..!
परभणी/जिंतूर (Jintur Crime Case) : आंघोळ करताना चोरुन काढलेले फोटो सोशल मिडियावर व्हायरल करण्याची धमकी देत ३१ वर्षीय महिलेवर अत्याचार करण्यात आला. ही घटना जिंतूर तालुक्यात घडली. सदर प्रकरणी पिडितेच्या तक्रारीवरुन ३० जानेवारीला आरोपींवर (Jintur Crime Case) जिंतूर पोलीस ठाण्यात गुन्हा दाखल करण्यात आला आहे.
पिडित महिलेने दिलेल्या तक्रारीत नमुद केले आहे की, डिसेंबर २०२४ ते ९ जानेवारी या दरम्यान आरोपीने पिडितेला तुझे फोटो सोशल मिडियावर व्हायरल करतो, अशी धमकी दिली. त्यानंतर जिंतूर, अकोला, मुंबई, पुणे, परभणी येथे नेऊन बळजबरीने तिच्यावर अत्याचार केला.
या दरम्यान आरोपीला इतर दोघांनीही मदत केली. यांनी पिडितेचा विनयभंग केला. तसेच तिला हॉस्टेलवर एका खोलीत डांबुन ठेवले. फोटो व्हायरल करण्याची धमकी देत पिडितेजवळील साडे सात तोळ्याचे सोन्याचे दागिने, रोख बारा हजार रुपये काढून घेतले. या प्रकरणी अभिषेक राठोड, कैलास चव्हाण, गजानन चव्हाण यांच्यावर जिंतूर पोलिसात (Jintur Crime Case) गुन्हा नोंद झाला आहे.
