रानीरबाजार (Tripura Fire) : पश्चिम त्रिपुरातील रानीरबाजार येथील एका मंदिरात मूर्तीचे नुकसान झाल्यामुळे संतप्त लोकांनी तब्बल 12 घरे आणि (Tripura Fire) अनेक वाहने जाळली. अशी माहिती आज पोलिसांनी दिली आहे. परिस्थिती हाताळण्यासाठी मोठा सुरक्षा दल तैनात करण्यात आले. सहाय्यक महानिरीक्षक (कायदा व सुव्यवस्था) अनंत दास यांनी सांगितले की, रविवारी रात्री उशिरा कैतूरबारीमध्ये काली देवीची मूर्ती तुटलेली आढळून आल्याने, बदमाशांनी राणीरबाजारमधील सुमारे 12 घरांना आग लावली. या आगीत काही मोटारसायकली आणि पिकअप व्हॅनही जळून खाक (Tripura Fire) झाल्या आहेत.
प्रत्यक्षदर्शींनी सांगितले की, गर्दी पाहून लोक घरातून पळून गेले. तणाव नियंत्रणात आणण्यासाठी प्रचंड सुरक्षा दल तैनात करण्यात आले. पोलीस महासंचालक, गुप्तचर विभाग, अनुराग धनखर आणि पश्चिम त्रिपुरा पोलीस अधीक्षक किरण कुमार यांनी परिसराला भेट दिली.
“मालमत्तेच्या नुकसानीचे मूल्यांकन पूर्ण केल्यानंतर, पोलिस स्वतःहून दखल घेतील आणि गुन्हा नोंदवतील. परिस्थिती नियंत्रणात आहे. आपले राज्य नैसर्गिक आपत्तीशी झुंज देत असताना आणि प्रचंड तणाव असताना, काही घटक केवळ धार्मिक राजकारण खेळत आहेत. गैरप्रकार करणाऱ्यांवर त्यांची श्रद्धेची पर्वा न करता कठोरपणे कारवाई केली पाहिजे. कायदा सर्वांप्रती तटस्थ असावा. मी त्रिपुराला आग्रह करतो. या (Tripura Fire) कठीण काळात एकत्र राहण्यासाठी आणि एकमेकांशी भांडू नये.” असे आवाहन अनंत दास यांनी केले आहे.
टिपरा मोथाचे सुप्रीमो प्रद्योत किशोर माणिक्य देबबर्मा यांनी सोमवारी या घटनेबद्दल चिंता व्यक्त केली आणि सर्वांना कायदा व सुव्यवस्था राखण्याचे आवाहन केले. “रानीरबाजार कैतुरबारी भागात काल रात्रीची घटना जातीय संघर्षाच्या बातम्यांसह चिंताजनक लक्षण आहे. मी कायदा आणि सुव्यवस्था राखण्याची जबाबदारी असलेल्यांना आवाहन करतो,” त्यांनी फेसबुकवरून सांगितले आहे.
