परभणी(Parbhani) :- स्थानिक गुन्हे शाखेच्या पथकाने खून, जबरी चोरीतील कुख्यात दोन आरोपींच्या मुसक्या आवळल्या आहेत. ही कारवाई शनिवार १५ फेब्रुवारी रोजी करण्यात आली. ताडकळस पोलीस ठाणे हद्दित मागील वर्षी झालेल्या खुनातील (Murder) फरार आरोपी मुंजा तुकाराम कहाते हा त्याच्या साथीदारासोबत गंगाखेड येथे येणार असल्याची माहिती पोलिसांना मिळाली.
स्थानिक गुन्हे शाखेची कारवाई सापळा रचून आवळल्या मुसक्या
तहसिल कार्यालयासमोर सापळा रचत मोठ्या शिताफीने मुंजा कहाते, केशव बाबुराव जरतारे यांना ताब्यात घेण्यात आले. त्यांची चौकशी केली असता त्यांनी ताडकळस, चुडावा पोलीस ठाणे हद्दित गुन्हे केल्याची कबुली दिली. पुढील तपासासाठी आरोपींना चुडावा पोलिसांच्या स्वाधीन करण्यात आले. ही कारवाई पोनि. विवेकानंद पाटील, सपोनि. पांडुरंग भारती, पोउपनि. गोपीनाथ वाघमारे, चंदनसिंह परिहार, पोलीस अंमलदार रंगनाथ दुधाटे, सचिन भदर्गे, विलास सातपुते, राहूल परसोडे, नामदेव डुबे, परसराम गायकवाड, गणेश कौटकर, बालाजी रेड्डी यांच्या पथकाने केली.