बुलढाणा (Prataprao Jadhav) : होमिओपॅथीचे जनक डॉ. सॅम्युएल हॅनिमन यांच्या जयंतीनिमित्त येथील आयुष विभाग व होमिओपॅथीक डॉक्टर्स असोसिएशनच्यावतीने १२ एप्रिल रोजी केंद्रीय आरोग्य मंत्री ना. प्रतापराव जाधव (Prataprao Jadhav) यांच्या अध्यक्षतेत (World Homeopathy Day) जागतिक होमिओपॅथी दिनाचे आयोजन करण्यात आले आहे.
येथील जिल्हा स्त्री रुग्णालय परीसरात १२ एप्रिल रोजी दुपारी २ वाजता आयोजित (World Homeopathy Day) जागतिक होमिओपॅथी दिन कार्यक्रमाचे उद्घाटन (MLA Sanjay Gaikwad) आ. संजय गायकवाड यांच्या हस्ते होणार आहे. जेष्ठ होमिओतज्ञ तथा पंचशील होमिओपॅथिक शिक्षण प्रसारक मंडळाचे अध्यक्ष डॉ. दादासाहेब कवीश्वर, आयएमएचे अध्यक्ष डॉ. अजित शिरसाट यांच्यासह शासकीय वैद्यकीय महाविद्यालयाचे अधिष्ठाता डॉ. कैलास झिने, जिल्हा स्त्री रुग्णालयाचे वैद्यकीय अधीक्षक डॉ. प्रशांत पाटील, इंडियन डेंटल असोसिएशनचे अध्यक्ष डॉ. राजेश जतकर यांची यावेळी प्रमुख उपस्थिती राहणार आहे.
कार्यक्रमात होमिओपॅथीचे जनक डॉ. सॅम्युएल हॅनिमन यांना जयंतीनिमित्त अभिवादन करण्यात येणार आहे. तसेच होमिओ तपस्वी स्व. डॉ. अजय ढगे यांच्या स्मृतिप्रीत्यर्थ दिल्या जाणाऱ्या (World Homeopathy Day) होमिओपॅथी जीवन गौरव पुरस्काराचे वितरण करण्यात येणार आहे. सदर पुरस्कार उल्हासनगर येथील प्रसिद्ध होमिओ तज्ञ डॉ. अमरसिंह गौतम, छत्रपती संभाजी नगर जिल्ह्याच्या पळसखेडा व ग्रामीण भागात होमिओपॅथीद्वारे अनेक दुर्धर आजारांवर उपचारे करणारे प्रसिद्ध होमिओ तज्ञ डॉ. बाळासाहेब ना. महानोर, डेबको या होमिओपॅथी औषध निर्मिती संस्थेचे प्रमुख नंदकिशोर देशपांडे यांना जाहिर झाला असून ना. प्रतापराव जाधव यांच्याहस्ते या पुरस्काराचे वितरण करण्यात येणार आहे.
जिल्हा रुग्णालयातील आयुष विभाग व (World Homeopathy Day) होमिओपॅथीक डॉक्टर्स असोसिएशनच्यावतीने आयोजित या कार्यक्रमाला वैद्यकीय क्षेत्रातील सर्वांनी उपस्थित रहावे, असे आवाहन जिल्हा शल्य चिकित्सक डॉ. भागवत भुसारी, होमिओपॅथिक डॉक्टर्स असोसिएशनचे अध्यक्ष डॉ. दुर्गासिंग जाधव , निमा संघटनेचे अध्यक्ष डॉ. चंद्रकिरण पवार, निमा युनानी फोरमचे अध्यक्ष डॉ. शफाअत रहीम यांनी केले आहे.
