नवी दिल्ली (UP Home Guard Bharti 2024) : उत्तर प्रदेशातील होमगार्ड पोलिसांपेक्षा कमी नसतात. त्यांची भरतीही पोलिसांसारखीच असते. त्यासाठी पोलिसांच्या (Police) धर्तीवर नवी नियमावली करण्यात येणार आहे. मुख्यमंत्री योगी आदित्यनाथ (Yogi Adityanath) यांच्या सूचनेनंतर सरकारने होमगार्ड स्वयंसेवकांच्या भरतीसाठी नवीन नियम बनवण्याची प्रक्रिया सुरू केली आहे. आता (Home Guard Bharti) होमगार्डची निवड लेखी परीक्षेनंतर होणार आहे. यापूर्वी शारीरिक कार्यक्षमता चाचणी आणि आरोग्य चाचणीनंतर गुणवत्तेच्या आधारावर होमगार्डची भरती केली जात होती.
नवीन नियम कसे असतील?
माहितीनुसार, होमगार्डच्या भरतीसाठी (Home Guard Bharti) अनेक दशके जुनी पद्धत रद्द केली जाणार आहे. नवीन नियमांमध्ये पोलिस भरतीप्रमाणेच नियम केले जातील, जेणेकरून होमगार्ड्स (Home Guards) हे कोणापेक्षाही कमी दर्जाचे नसतील आणि इतर सुरक्षा दलांप्रमाणे ते कायदा आणि सुव्यवस्था व सुरक्षेशी संबंधित जबाबदारी पूर्ण आत्मविश्वासाने पार पाडू शकतील. सीएम योगी यांनी नुकतीच दोन टप्प्यात 42 हजार होमगार्ड्सची भरती करण्याची घोषणा केली होती. लेखी परीक्षा घेणाऱ्या संस्थेचे नावही नव्या नियमांमध्ये ठरवले जाईल. याशिवाय पुरुषांच्या 1500 मीटर आणि महिलांच्या 400 मीटर शर्यतीत शारीरिक कार्यक्षमता चाचणीतही बदल होऊ शकतात. भरतीमध्ये माजी सैनिक, एनसीसी (NCC), आपदा मित्रांना (Aapda Mitra) नवीन नियमांमध्ये विशेष लक्ष दिले जाणार आहे.
यापूर्वी अशा प्रकारे भरती होत होती
गेल्या 13 वर्षांपासून होमगार्डची भरती (Home Guard Bharti) झालेली नाही. त्यामुळे सध्या कार्यरत असलेले अंदाजे 25 हजार होमगार्ड येत्या पाच वर्षांत निवृत्त होणार असून, त्यामुळे कर्मचाऱ्यांचे मोठे संकट उभे राहणार आहे. 2011 मध्ये जारी केलेल्या शासन आदेशानुसार वर्षातून दोनदा होमगार्ड स्वयंसेवकांची भरती करण्याची तरतूद करण्यात आली होती. दरवर्षी 31 मार्च आणि 30 सप्टेंबर रोजी रिक्त पदांवर भरती (Recruiting) करण्याचा नियम होता. थेट भरती करण्याचे अधिकार विभागीय निवड समितीला देण्यात आले.
भरती न झाल्याने परिस्थिती बिकट
वर्षानुवर्षे होमगार्ड स्वयंसेवकांची भरती न केल्याने आता परिस्थिती बिकट होऊ लागली आहे. केंद्र सरकारने (Central Govt) यूपी होमगार्ड ऑर्गनायझेशनसाठी (Home Guard Bharti) 1,18,348 स्वयंसेवकांची संख्या मंजूर केली आहे, ज्याच्या तुलनेत सध्या केवळ 75,808 होमगार्ड कार्यरत आहेत. त्यापैकी 38,072 50 ते 60 वयोगटातील आहेत. गेल्या वर्षभरात 5 हजारांहून अधिक होमगार्ड निवृत्त झाले आहेत. अनेक प्रसंगी होमगार्डच्या स्वयंसेवकांनी त्यांची उपयुक्तता आणि कार्यक्षमता सिद्ध केली आहे. त्यामुळे अनेक दशके जुनी पद्धत रद्द करून नव्या पद्धतीने भरती केली जाणार आहे.
