अमेरिका किती दिवस भारतातील शेतमालाचे भाव ठरविणार?

– विजय जावंधिया यांचे पंतप्रधान नरेंद्र मोदी यांना पत्र

देशोन्नती वृत्तसंकलन
नागपूर (Nagpur) : अमेरिकेत शेतमालाच्या (Agricultural products) किंमतीत तेजी आली की, भारतातही तेजी येते. तेथे मंदी येताच त्याचा परिणाम भारतातील शेतमाल किंमतीवर होतो. (America-India) अमेरिका भारतातील शेतीमालाच्या किमती किती दिवस ठरवत राहणार, असा सवाल शेतकरी संघटनेचे पाईक विजय जावंधिया (Vijay Javandhia) यांनी केला आहे. जावंधिया यांनी पंतप्रधान नरेंद्र मोदी (PM Narendra Modi) यांना पत्र लिहिले आहे. त्यात ते म्हणतात की, दोन वर्षापूर्वी २०२१-२२मध्ये भाजपाचे केंद्रात सरकार होते. त्यावेळी आपल्या देशात कापूस उत्पादक (Agricultural products) शेतकर्‍यांना ९ हजार रुपये ते ११ हजार प्रति क्विंटल भाव मिळत होता. परंतु आज २०२३-२०२४ मध्ये कापसाला ७ हजार रुपये ते ७ हजार ५०० रुपये प्रति क्विंटलपर्यंत भाव मिळत आहेत. सध्याही सरकार तुमचेच आहे. यूएस मार्केटमध्ये ५ मे २०२२ रोजी, कापसाची किंमत प्रति पौंड १ डॉलर ७० सेंट होती. त्यामुळे भारतातही किंमतीत वाढ झाली होती.

जावंधिया (Vijay Javandhia) यांनी सांगितले की, आज (America-India) अमेरिकन बाजारात कापसाची किंमत प्रति पौंड ९० सेंट (नव्वद सेंट) आहे. त्यामुळे भारतातही मंदीचे सावट आहे. परिणामी कापसाला प्रतिक्विंटल ७००० रुपये ते ७५०० रुपये भाव मिळाला आहे. याचा स्पष्ट अर्थ असा होतो की, अमेरिकेच्या बाजारपेठेत तेजी असली तर आपल्या बाजारात तेजी येते. अमेरिकेत मंदी असली की त्यामुळे आपल्या देशातही मंदी आली येथे. आमची चिंता ही आहे की अमेरिका इथे कापूस आणि इतर पिकांचे भाव ठरवत राहणार का आणि किती दिवस? आज सोयाबीनसुद्धा ४००० ते ४५०० रुपये प्रति क्विंटल दराने उपलब्ध आहे, जे एमएसपीपेक्षा कमी आहे. कापूस आणि सोयाबीनची निर्यात केली तरी भाव मिळत नाही, अशी परिस्थिती आहे.

रशिया-युक्रेन युद्धामुळे (Russia-Ukraine War) आपल्या देशात गव्हाचे उत्पादन घटले होते, जागतिक बाजारपेठेत गव्हाचे भाव (Agricultural products) वाढले होते. त्यावेळी आम्ही गव्हाची निर्यात बंद केली होती. आज (America-India) अमेरिकेत गव्हाच्या दरात घसरण झाली आहे. त्यात ४०० डॉलर प्रति टन (१० क्विंटल) ची किंमत २०० डॉलर प्रति टनपर्यंत घसरली आहे. जर आम्ही निर्यात केली तर आम्हाला प्रति क्विंटल २२७५ रुपये एमएसपी मिळणार नाही. सरकारने गहू आयात करण्याचा निर्णय घेतल्यास शेतकरी मरेल, असेही जावंधिया (Vijay Javandhia) यांनी म्हटले आहे.

कापसाप्रमाणे कापडाचे भाव घटले का?
पत्राच्या शेवटी जावंधिया (Vijay Javandhia) यांनी नमूद केले की, अमेरिका-युरोपमधील श्रीमंत देश आपल्या (Agricultural products) शेतकर्‍यांना अनुदान देतात आणि आम्ही जीएसटी लादून शेतकर्‍यांना त्रास देत आहोत. दोन वर्षांपूर्वी रुईचा भाव १ लाख रुपये प्रतिक्विंटल होता, आज ५८ हजार ते ८० हजार रुपये प्रतिक्विंटल आहे. कपड्यांच्या किमती कमी झाल्या आहेत का, अशी विचारणा त्यांनी केली आहे.