अध्यक्ष पुतिन यांनी दिली मध्यस्थीची ऑफर!
रशियाने इराणमधील बुशेहर येथे पहिला अणुऊर्जा प्रकल्प उभारण्यास मदत!
नवी दिल्ली (Vladimir Putin) : सेंट पीटर्सबर्ग (Saint Petersburg) येथे झालेल्या आंतरराष्ट्रीय आर्थिक मंचाच्या वेळी पुतिन म्हणाले की, रशियाचे इराणशी चांगले संबंध आहेत आणि रशियाने इराणमधील बुशेहर (Bushehr) येथे पहिला अणुऊर्जा प्रकल्प उभारण्यासही मदत केली आहे. बुशेहरमध्ये आणखी दोन अणुऊर्जा प्रकल्प बांधण्यात इराणला 200 रशियन कर्मचारी मदत करत आहेत. रशियाचे अध्यक्ष व्लादिमीर पुतिन (President Vladimir Putin) यांनी बुधवारी मध्यस्थी (Mediation) करण्याची ऑफर दिली. पुतिन म्हणाले की, मॉस्को (Moscow) असा करार करू शकतो, ज्यामुळे इराणला त्याचा अणुकार्यक्रम शांततेत चालवता येईल आणि इस्रायलच्या (Israel) सुरक्षा चिंता देखील सोडवता येतील. एका कार्यक्रमात माध्यमांशी बोलताना पुतिन म्हणाले की, ‘हा एक संवेदनशील मुद्दा आहे, परंतु माझ्या मते तो सोडवता येऊ शकतो.’
रशियाने इराण-इस्रायलला मध्यस्थीचा प्रस्ताव पाठवला!
रशियाच्या राष्ट्राध्यक्षांनी असेही म्हटले की, त्यांनी त्यांचा प्रस्ताव इराण, इस्रायल आणि अमेरिकेला पाठवला आहे. ते म्हणाले की, ‘आम्ही कोणावरही काहीही लादत नाही आहोत. या परिस्थितीत पुढे जाण्याचा मार्ग काय असू शकतो, याबद्दल आम्हाला फक्त बोलायचे आहे. कोणताही निर्णय या देशांच्या नेतृत्वाने घ्यावा लागेल.’ रशियाचे पश्चिम आशियाई देशांशी चांगले संबंध आहेत, ज्यामुळे तो इराण-इस्रायल (Iran-Israel) प्रकरणात एक चांगला आणि प्रभावी मध्यस्थ बनतो. पुतिन यांनी गेल्या आठवड्यात अमेरिकेचे अध्यक्ष डोनाल्ड ट्रम्प (US President Donald Trump) यांच्याशीही चर्चा केली होती, ज्यामध्ये पुतिन यांनी पश्चिम आशियात शांतता प्रस्थापित करण्याची ऑफर दिली होती. तथापि, ट्रम्प यांनी प्रथम त्यांना रशिया-युक्रेन युद्धात (Russia-Ukraine War) युद्धबंदीवर लक्ष केंद्रित करण्याचा सल्ला दिला होता.
सेंट पीटर्सबर्ग येथे झालेल्या आंतरराष्ट्रीय आर्थिक मंचाच्या वेळी पुतिन म्हणाले की, रशियाचे इराणशी चांगले संबंध आहेत आणि रशियाने इराणमधील बुशेहर येथे पहिला अणुऊर्जा प्रकल्प उभारण्यासही मदत केली आहे. बुशेहरमध्ये आणखी दोन अणुऊर्जा प्रकल्प (Nuclear Power Plant) बांधण्यात 200 रशियन कर्मचारी इराणला मदत करत आहेत.
अमेरिकेचे अध्यक्ष ट्रम्प यांचे कौतुक!
पुतिन यांनी अमेरिकेचे अध्यक्ष ट्रम्प यांचे कौतुक केले आणि युक्रेनमध्ये शांतता प्रस्थापित करण्याच्या त्यांच्या वचनाचेही समर्थन केले. पुतिन यांनी असेही कबूल केले की, जर ट्रम्प 2022 मध्ये सत्तेत असते, तर रशिया आणि युक्रेनमधील युद्ध झाले नसते. पुतिन म्हणाले की, ते युक्रेनशी युद्धबंदीसाठी (Prisoner Of War) बोलण्यास तयार आहेत, परंतु त्यांनी युक्रेनचे अध्यक्ष झेलेन्स्की (President Zelensky of Ukraine) यांच्या वैधतेवर प्रश्नचिन्ह उपस्थित केले, ज्यांचा कार्यकाळ गेल्या वर्षी संपला.
