परभणी(Parbhani) :- मंगळवार २३ एप्रिल रोजी वादळी वार्‍यासह झालेल्या पावसात निर्माणाधिन भिंत शेजारील घरावर कोसळली. अंगावर भिंत पडल्याने ५० वर्षीय व्यक्तीचा मृत्यू झाला. ही घटना काद्राबाद प्लॉट भागात घडली.
परभणी शहरातील काद्राबाद प्लॉट भागातील घटना
शेर खान जबीउल्ला खान वय ५० वर्ष असे मयताचे नाव आहे. सदर प्रकरणी मुस्कान शेख यांनी नानलपेठ पोलीसात खबर दिली आहे. फिर्यादीचे वडील-आई आणि परिवारातील इतर सदस्य घरामध्ये झोपलेले होते. मध्यरात्रीच्या सुमारास अचानक ओरडण्याचा आवाज आल्याने सर्व जण जागी झाले. शेजारी सुरू असलेल्या बांधकामाची भिंत वारा आणि पावसामुळे(Rain) खबर देणार्‍या यांच्या घरावर कोसळली होती. भिंतीच्या ढिगार्‍याखाली दबल्यामुळे दोन जण जखमी झाले. जखमींवर रूग्णालयात(hospitals) उपचार सुरू आहे.
तर शेर खान जबीउल्ला खान यांचा मृत्यू झाला. या प्रकरणी नानलपेठ पोलीसात आकस्मात मृत्यूची (sudden death) नोंद करण्यात आली आहे. सपोउपनि राठोड तपास करत आहेत. बुधवारी सकाळी पोलीसांनी घटनास्थळी भेट घेत पंचनामा केला.