मलप्पुरम (West Nile Fever) : केरळ राज्यांमध्ये वेस्ट नाइल तापाच्या प्रकरणांनी प्रशासनाची चिंता वाढवली आहे. केरळ राज्यांत मलप्पुरम, कोझिकोड आणि त्रिशूर जिल्ह्यात वेस्ट नाइल ताप पसरल्याची मोठी माहिती समोर आली आहे. येथे तापाचे 10 हून अधिक रुग्ण आढळले आहेत. त्यानंतर आरोग्य विभागाने प्रतिबंधाबाबत मार्गदर्शक सूचना जारी केल्या आहेत. ताप आल्यास तात्काळ डॉक्टरांचा सल्ला घेण्याचे आवाहन करण्यात आले आहे. (West Nile Fever) वेस्ट नाईल तापाबद्दल बोलतांना, त्याला WNV देखील म्हणतात. योग्य वेळी उपचार न केल्यास हा संसर्ग खूप गंभीर स्वरूप घेण्याची शक्यता आहे.
कसा होतो प्रसार?
संक्रमित पक्षी चावल्यानंतर डास माणसांना चावतात, तेव्हा हा संसर्ग पसरतो. तथापि, संक्रमित डास चावल्यामुळे सर्व पीडितांना हा आजार होतोच असे नाही. हा संसर्ग 60 वर्षांपेक्षा जास्त वयाच्या आणि कमकुवत (Immune system) रोगप्रतिकारक शक्ती असलेल्यांसाठी गंभीर असू शकतो. अशा परिस्थितीत, शक्य तितक्या लवकर उपचार करणे महत्वाचे आहे. जर उपचार लवकर सुरू केले तर, हा संसर्ग बरा होण्याची शक्यता जास्त असते.
काय आहेत लक्षणे?
वेस्ट नाईल विषाणू (Nile virus) लोकांमध्ये 3 ते 14 दिवसांत दिसू लागतात. (West Nile Fever) वेस्ट नाईलचा संसर्ग झालेल्या व्यक्तीला ताप, गोंधळ, स्नायू कमकुवत, दृष्टी समस्या आणि कमकुवत स्मरणशक्ती (Immune system) असू शकते. हा संसर्ग खूप गंभीर आहे आणि रुग्णामध्ये अनेक दिवस टिकू शकतो. काही गंभीर प्रकरणांमध्ये, या संसर्गामुळे मेंदूला कायमचे नुकसान होऊ शकते आणि वेळेवर उपचार न मिळाल्यास रुग्णाचा मृत्यू देखील होऊ शकतो. तथापि, सौम्य संसर्गाच्या बाबतीत ते फार काळ टिकत नाही. जेव्हा सौम्य लक्षणे दिसतात. तेव्हा लोक सहसा त्याला सामान्य ताप समजतात. सौम्य संसर्ग झाल्यास, रुग्णाला ताप, डोकेदुखी, अंगदुखी, मळमळ, उलट्या, पोट-पाठदुखी, छातीत दुखणे अशी तक्रार असते.
संसर्ग कसा पसरतो?
हा (Nile virus) संसर्ग प्रामुख्याने डासांच्या चाव्याव्दारे पसरतो. जेव्हा एखाद्या संक्रमित पक्ष्याला डास चावतो आणि नंतर संक्रमित डास माणसाला चावतो. तेव्हा संसर्ग पसरतो. क्वचित प्रसंगी, हा विषाणू अवयव प्रत्यारोपण, स्तनपान, गर्भधारणेद्वारे प्रसारित केला जाऊ शकतो. हा संसर्ग दुसऱ्या व्यक्तीला स्पर्श करून किंवा चुंबन घेतल्याने पसरत नाही.
प्रतिबंध आणि उपचार
हा (Nile virus) संसर्ग टाळण्यासाठी, आपल्या आजूबाजूला डासांची पैदास होऊ देऊ नका आणि स्वच्छता राखा. मच्छरदाणी आणि रेपेलेंट्स वापरा. या संसर्गावर उपचार करण्यासाठी कोणतेही अँटीव्हायरल औषध (Antiviral medicine) नाही. ओव्हर द काउंटर (OTC) औषधांनी सौम्य लक्षणांवर उपचार केले जाऊ शकतात. जंतुसंसर्ग आणि लक्षणे जाणवल्यास ताबडतोब जवळच्या डॉक्टरांचा सल्ला घ्या आणि उपचार सुरू करा.
