मृतकाच्या वारसाला दोन लाखाची नुकसान भरपाई!
बार्शी टाकळी (Worker Technician Dismissal ) : बार्शीटाकळी तालुक्यातील पिंजर येथील आनंद उर्फ प्रतीक मधुकरराव ठाकरे या शेतकरी पुत्राचा महाराष्ट्र राज्य विद्युत वितरण कंपनी अर्थात विज मंडळाच्या बेजबाबदारपणा, मनमानी व हुकमशाही कारभारामुळे मृत्यू झाला होता. या घटनेने समाजमन सुन्न झाले होते. या घटनेतील कंत्राटी कामगार तंत्रज्ञ याला सेवेतून बडतर्फ करून मृतकाच्या वारसाला दोन लाख रुपयांची नुकसान भरपाई देण्याचे झाले आहेत.
बार्शी टाकळी तालुक्यातील पिंजर येथील शेतकरी मधुकरराव ठाकरे यांच्या शेतातील वीज पोल वरील वाहत्या चारा शेतातील पिकात पडल्याने, प्रतीक उर्फ अनंता मधुकर ठाकरे या युवकांचा वीज प्रवाहामुळे मृत्यू झाला होता. (Worker Technician Dismissal) वीज मंडळाच्या बेजबाबदार मनमानी व हुकूमशाही कारभारा मुळे निरपरात युवकांचा बळी गेल्याने जनतेत संतापाची लाट निर्माण झाली होती. या गंभीर घटनेची चौकशी झाल्यानंतर अधीक्षक अभियंता वीज वितरण कंपनी यांच्याकडे अहवाल सादर केला होता.
बार्शीटाकळी तालुका वीज वितरण कंपनीतील अधिकाऱ्यांनी दिलेल्या माहितीनुसार, या अपघातास कारणीभूत ठरलेल्या बाह्य स्तोत्रकंत्राटी तंत्रज्ञ धीरज गजानन राऊत याला तात्काळसेवेतून बडतर्फ करून मृतकाच्या वारसाला दोन लाख रुपयांची नुकसान भरपाई अशा प्रकारचे आदेश अधीक्षक अभियंता सौ प्रतीक्षा शभर कर यांनी मेसर्स ओम इंटरप्राईजेस गार्डन व्ह्यू कॉम्प्लेक्स ऑफिस पुणे यांना आदेशित केले आहे. याबाबत उपमुख्य औद्योगिक संबंध अधिकारी परिमंडळअकोला व कार्यकारी अभियंता ग्रामीण विभाग यांना व उप अभियंता बार्शीटाकळी यांना माहिती देण्यात आली आहे.
विशेष म्हणजे, या गंभीर घटने संदर्भात दैनिक देशोन्नती मध्ये सडेतोड पणे वारंवार वृत्त प्रकाशित झाले होते.
