पोलिसांनी सट्टेबाजीचा डाव उधळून लावला!
यवतमाळ (Yavatmal) : आयपीएल सिजन अंतिम टप्प्यात कडे जात असतानाच आयपीएल सट्ट्याची (IPL Betting) उलाढाल आणखीनच वाढली असून सट्टा खेळणार्यांनी आता पोलिसांची नजर चुकवत विविध ठिकाणी सट्टा खेळणे सुरु केले असतांनाच, आयपीएलवर सट्टेबाजी खेळण्यासाठी सट्टेबाजांनी चारचाकी वाहनाचा वापर केला. मात्र, आपण सुरक्षित ठिकाणी असल्याचे सट्टेबाजांना वाटत असतांनाच पोलिसांनी (Police) सट्टेबाजीचा डाव उधळून लावला आहे.
सदर ठिकाण गाठून तिघांवर कारवाई!
यवतमाळ- वर्धा महामार्गावरील गलम या गावाजवळ रस्त्याच्या बाजुला कार उभी करुन, त्यामध्ये आयपीएल (IPL) सुरू असल्याच्या माहिती वरून स्थानिक गुन्हे शाखेच्या पथकाने सदर ठिकाण गाठून तिघांवर कारवाई करुन पावने नऊ लाख रुपयाचा मुद्देमाल जप्त (Confiscation of Goods) केला आहे. मनिष श्रीरंग घोळवे व रा. छोटी गुजरी कुणाल धर्मपाल शेन्डे रा. उज्वल नगर जितेश जयप्रकाश राजा (47) रा. वारको बिल्डीग, टिळक स्मारक, यवतमाळ अशी आयपीएल जुगार खेळणा-यांची नावे आहे. 1 मे रोजी एम. एच. 29 बी. व्ही. 0019 क्रमांकाच्या कारमध्ये आयपीएल सिजन 18 मधील आज रोजीच्या मुंबई इंडीयन्स विरूध्द राजस्थान रॉयल्स या क्रिकेट मॅचवर मोबाईल फोनद्वारे सट्टा खेळवित असल्याची माहिती एलसीबीच्या पथकाला (LCB Team) मिळाली होती. त्यावरुन पोलिसांनी या वाहनाचा शोध घेतला असता, यवतमाळ ते वर्धा रोड वरील पोलीस स्टेशन कळंबच्या हददीतल गलम या गावाजवळील हायवेलगतच्या बसस्थानका जवळ सदर वाहन मिळुन आले. याप्रकरणी तीन इसमांविरूध्द पोलीस स्टेशन कळंब येथे अ. प. क. 251/2025 कलम 12 अ महाराष्ट्र जुगार कायदयान्वे गुन्हा नोंद करण्यात आला. ही कारवाई पोलीस अधीक्षक कुमार चिंता, अ. पो. अ. जगताप , स्था. गु. शा. पो. नि. सतिश चवरे यांचे मार्गदर्शनात पो. उ. प. नि. गजानन राजमल्लू, स. फौ. बंडू डांगे, सै. साजिद, पोहवा प्रशांत हेडाउ, पोहवा रूपेश पाली, योगेश डगवार, कविश पाळेकर, पोशि दिगांबर पिलावन, आकाश सुर्यवंशी, देवेंद्र होले यांनी केली.
