यवतमाळ (Yawatmal) :- शहरातील सनराईज शाळेतील शिक्षक शंतनु देशमुख यांची निर्घृणपणे हत्या (Murder) झाल्याची घटना १३ मे राजी घडली होती. १५ मे रोजी हा प्रकार उघडकीस आला होता. शंतनु देशमुख यांची पत्नी सनराईज शाळेची मुख्याध्यापक निधी तिवारी देशमुख हिने शाळेतील मुलांच्या मदतीने निर्दयीपणे शंतनुची हत्या केली. याप्रकरणातील मोठा पुरावा आतापर्यंत मृतक शंतनु देशमुख याचा मोबाईल पोलिसांच्या हाती लागला नव्हता.
मात्र गुरूवारी मृतक शंतनु देशमुख यांचा मोबाईल सनराईज शाळेतील एका कपाटामध्ये आढळून आला. शंतनु देशमुखची हत्या झाल्यावर त्याच्या पत्नीला पोलिसांनी या हत्येच्या प्रकरणी अटक केली. त्यानंतर निधी तिवारी देशमुख हिला शंतनु देशमुखच्या मोबाईल बद्दल विचारले असता त्याचा मोबाईल शाळेच्या मागील भागात फेकला असल्याचे पोलिस तपासा दरम्यान तिने सांगितले होते. मात्र गुरूवारी सनराईज शाळेतच मृतक शंतनु देशमुखचा मोबाईल पोलिसांच्या हाती लागला आहे. त्यामुळे पोलिसांना कारवाईसाठी एक महत्वाचा पुरावा मिळाला आहे.
