घाटंजी (Yawatmal) :- तुमच्या घरात गुप्तधन आहे ते काढून देतो”, अशी बतावणी करत तालुक्यातील भोंदूबाबा व त्याची टोळी घाटंजी शहरात आढळून आली आहे. तुमच्या घरात गुप्तधन आहे. ते मी काढून देतो, असे खोटे प्रलोभन करीत घरात मंत्रतंत्र वाचून पूजापाठ, होमहवन करून तुमच्या नशिबात हे गुप्तधन असल्याचे सांगून आपली फसवणुक (Fraud)करीत लाखो रुपयां गंडा घालण्याच्या घटना घडत आहे.
घाटंजी शहरात टोळीचे आगमन होताच पोलिसांची करडी नजर
फसवणूक झाल्यानंतर आपल्या बदनामीच्या भितीमुळे या घटनेची तक्रार पोलिसात दाखल होत नाही. त्यामुळे ही टोळी सक्रियपने वावरत असतात घाटंजी येथे ९ मे रोजी सकाळच्या सुमारास पोलिसांची गस्त सुरू असताना मानोली फैलात दोन व्यक्ती तोंडाला फडके बांधून विनाकारण फिरताना दिसून आले. त्यावेळी गस्तीवर आपले कर्तव्य बजावत असलेले पोलिसांनी त्यांना नाव गाव विचारले असता आरोपी मोरेश्वर पिसाराम एकनाथ (३६) रा. देशमुख खैरी ता. कळमेश्वर जि. नागपूर व चक्रधर मोतीराम काळे (४१) रा. पानुबाडी ता सावनेर जि. नागपूर त्यांच्या बोलण्यात संशयास्पद उत्तर मिळाले तेव्हा पोलिसांनी त्या दोघांना ताब्यात घेतले. सराईत गुन्हेगार (Criminal) तर नाही ह्या संशय व्यक्त करीत तपास केला असता. पोलिसांच्या गोपीनीय माहितीवरून चंद्रपूर जिल्ह्याच्या ठिकाणी एका गुप्तधन फसवणूक प्रकरणी या दोघांचा समावेश असल्याचा संशय व्यक्त होता. त्यावेळी या प्रकरणी चंद्रपूर पोलिसांना माहिती देण्यात आली. तेव्हा चंद्रपूर पोलिस सहायक पोलीस निरीक्षक सतीश मेश्राम, एस.सी. लाटकर व दोन पोलिस शिपाई हे घाटंजी पोलिस स्टेशनला दाखल होऊन सदर संशयित आरोपींना ताब्यात देण्यात आले.
गेल्या आठवडाभरापासून घाटंजी शहरात ही टोळी सक्रियपने वावरत असून शहरातील किंवा ग्रामीण भागातील कुठल्याही नागरिकांची गुप्तधनच्या अमिषाला बळी पडून फसवणूक तर झाली नसावी असा अंदाज व्यक्त केला जात आहे.
