नांदगाव पेठ :- स्टंटबाजी(Stunt) कारण्याच्या नादात एका अल्पवयीन युवकाचा पाण्यात बुडून करूण अंत झाल्याची दुर्दैवी घटना शनिवारी नजीकच्या वाळकी येथील धरणावर घडली. आर्यन धनराज बंन्सोड (१६) रा.गल्ली क्रमांक ६, विलास नगर,अमरावती घटनेत मृत पावलेल्या युवकाचे नाव आहे. आर्यन हा विलास नगरातीलच त्याच्या दोन मित्रांसह शनिवारी सायंकाळी दुचाकीने फिरायला गेले होते. आर्यनच्या दोन्ही मित्रांना पोहणे(swim) येत नव्हते त्यामुळे ते बाहेर होते मात्र पोहण्यात तरबेज असलेल्या आर्यनला स्टंटबाजी करण्याच्या नादात प्राण गमवावे लागले.
दुसऱ्या दिवशी शव बाहेर काढण्यात रेस्क्यू टीम ला यश
याबाबत सविस्तर वृत्त असे की, शनिवारी सायंकाळी ५ वाजताच्या सुमारास आर्यन आणि त्याचे दोन मित्र दुचाकीने (two-wheeler) वाळकी येथील धरणावर फिरायला गेला. धरणातील(dam) पाणी पाहून आर्यनला पोहण्याचा मोह सुटला आणि त्याने पाण्यात उडी घेतली. त्याच्या दोन मित्रांना पोहणे येत नसल्याने ते काठावरच राहून आर्यनला पोहतांना पाहत होते. पोहतांना आर्यन हा अधून-मधून काठावर यायचा आणि उंच ठिकाणाहून पाण्यात उडी घ्यायचा. अशातच एक उडी घेतल्यानंतर तो बराच वेळ बाहेर न आल्याने काठावर असलेल्या त्याच्या दोन मित्रांमध्ये अस्वस्थता निर्माण झाली. त्यांनी आरडाओरड करून आर्यनला जोरजोराने आवाज द्यायला सुरूवात केली. पण, काहीच प्रतिसाद मिळत नसल्याने दोन्ही युवकांनी मुख्य रस्त्याकडे धाव घेतली.
रेस्क्यू टीमने तातडीने पाण्यात आर्यनचा मृतदेह शोधायला सुरूवात केली
वाटेत भेटलेल्या दोन, तीन लोकांना त्यांनी हा प्रकार सांगितला. त्या लोकांनी तातडीने याबाबत ११२ क्रमांकावर वर कॉल केला. माहिती मिळताच नांदगावपवेठ पोलीस जिल्हाधिकारी कार्यालयातील रेस्क्यू टीममधील सचिन धरमकर, दिपक पाल, दिपक डोरस, गजानन वाडेकर, विशाल नीमकर, दिलीप भिलावेकर, अर्जुन सुंन्दरडे, गणेश जाधव, प्रियांशु तायवाडे तातडीने घटनास्थळी दाखल झाले. रेस्क्यू टीमने तातडीने पाण्यात आर्यनचा मृतदेह शोधायला सुरूवात केली. परंतु, रात्र झाल्यानंतर अंधारात अडचण येत असल्याने अखेर रेस्क्यू टीमने २३ जुन रोजी सकाळी आर्यनचा मृतदेह बाहेर काढला. याबाबत नांदगावपेठ पोलिसांनी आकस्मिक मृत्यूची (sudden death) नोंद केली असून पोलीस(Police)पुढील तपास करित आहेत.
