अडीच वर्षाच्या बालकाची प्रकृती गंभीर
डोंगरकडा (Rabid Dog Rampage) : कळमनुरी तालुक्यातील डोंगरकडा येथे पिसाळलेल्या कुत्र्याने केलेल्या हल्ल्यामुळे नागरिकांमध्ये भीतीचे वातावरण निर्माण झाले आहे. 3 ऑगस्ट सोमवार रोजी सकाळी 10 च्या सुमारास या कुत्र्याने तब्बल 13 जणांना चावा घेतल्याची घटना घडली. त्यात दोन लहान बालकांचाही समावेश आहे.
2 ऑगस्टपासूनच ही कुत्री परिसरात धुमाकूळ घालत होती. तिने याआधी पाच कुत्र्यांना चावा घेतला होता. त्यातील एक पाळीव कुत्रा असून त्याच्यावर पशुवैद्यकीय अधिकाऱ्यांच्या सल्ल्याने उपचार सुरू आहेत. सोमवारी झालेल्या हल्ल्यात जखमी झालेल्यांमध्ये 2 ते अडीच वर्षाचा शिवतेज प्रभू गावंडे याला सर्वाधिक गंभीर जखमा झाल्या आहेत. त्याला तातडीने नांदेड येथील शासकीय रुग्णालयात उपचारासाठी दाखल करण्यात आले आहे.
इतर जखमींची नावे पुढीलप्रमाणे उमेश लक्ष्मण इंगोले* 10 वर्ष, शकुराव ग्यानोजी बुलबुले 67 वर्ष, जीहान चांदखान पठाण 5 वर्ष, सुरेश रुस्तुम खंदारे 27 वर्ष, आरुष राजू शंकर 10 वर्ष, विठ्ठल हनुमंत इंगोले 75 वर्ष - सर्व रहिवासी डोंगरकडा.
याशिवाय तेलंगणातील परप्रांतीय साजन सिंग 25 वर्ष आणि रेल्वेचे पाच कर्मचारी हे देखील जखमी झाले आहेत. रेल्वे कर्मचाऱ्यांना उपचारासाठी नांदेड येथे पाठवण्यात आले आहेत त्यांची नावे कळु शकली नाहीत.
