लातूर : परिविक्षाधीन पोलीस उपअधीक्षक अक्षय जाधव यांच्या पथकाने हिप्पळगाव ते सुगाव रस्त्याच्या पश्चिम बाजूस, हिप्पळगाव शेतशिवारातील संतोष तुकाराम पेदाटे यांच्या शेतातील पत्र्याच्या शेडमध्ये चालणाऱ्या तिर्रट जुगार अड्ड्यावर धाड टाकून दहा जुगाऱ्यांना ताब्यात घेतले. या कारवाईत पाच लाख तीन हजार एकशे रुपयांचा मुद्देमाल जप्त करण्यात आला.
अक्षय जाधव हे सध्या शिरूर अनंतपाळ पोलीस ठाण्याचे प्रभारी परिविक्षाधीन पोलीस उपअधीक्षक आहेत. १७ ऑगस्ट २०२६ रोजी रात्री सुमारे ८.४० वाजता त्यांनी संतोष तुकाराम पेदाटे यांच्या शेतातील पत्र्याच्या शेडमध्ये चालणाऱ्या तिर्रट जुगारावर कारवाई केली.
या कारवाईत पुढील दहा जणांना ताब्यात घेण्यात आले :
- कृष्णा पांडुरंग मुडे, वय ३५ वर्षे, रा. सुगाव, ता. चाकूर, जि. लातूर.
- मुक्तार महमद शेख, वय ४३ वर्षे, रा. हिप्पळगाव, ता. शिरूर अनंतपाळ, जि. लातूर.
- सोपान केरबा तावरे, वय ३० वर्षे, रा. सुगाव, ता. चाकूर, जि. लातूर.
- संतोष तुकाराम पेदाटे, वय ४२ वर्षे, रा. हिप्पळगाव, ता. शिरूर अनंतपाळ, जि. लातूर.
- गणेश पंढरी गुणाले, वय ३८ वर्षे, रा. सुगाव, ता. चाकूर, जि. लातूर.
- शरद गोविंद धोतरे, वय ४३ वर्षे, रा. सुगाव, ता. चाकूर, जि. लातूर.
- अनिल अशोक धोतरे, वय ४४ वर्षे, रा. सुगाव, ता. चाकूर, जि. लातूर.
- प्रल्हाद बाबुराव शिंदे, वय ३८ वर्षे, रा. सुगाव, ता. चाकूर, जि. लातूर.
- रमजान काशीम पठाण, वय ३५ वर्षे, रा. सुगाव, ता. चाकूर, जि. लातूर.
- विजयकुमार विठ्ठल बरकते, वय ४७ वर्षे, रा. सुगाव, ता. चाकूर, जि. लातूर.
घटनास्थळावरून मोबाईल, मोटारसायकली यासह एकूण ५,०३,१०० रुपये किमतीचा मुद्देमाल पोलिसांनी जप्त केला.
याप्रकरणी गुन्हा रजिस्टर क्रमांक १९५/२०२६, कलम १२(अ) महाराष्ट्र जुगार प्रतिबंधक अधिनियम अन्वये गुन्हा दाखल करण्यात आला आहे. गुन्ह्याचा पुढील तपास पोलीस करीत आहेत.
