उदय सामंतांच्या हेलिकॉप्टरमध्ये तांत्रिक बिघाड; पायलटच्या सतर्कतेमुळे मोठा अनर्थ टळला
गडचिरोली दौऱ्यावर निघालेले शिवसेना शिंदेगटाचे नेते आणि मंत्री उदय सामंत यांच्या हेलिकॉप्टरमध्ये तांत्रिक बिघाड झाल्याची घटना समोर आली आहे. नागपूरहून गडचिरोलीकडे रवाना होण्यापूर्वीच पायलटच्या लक्षात हेलिकॉप्टरमध्ये तांत्रिक समस्या असल्याचे आले. त्यामुळे संभाव्य मोठी दुर्घटना टळली.
उदय सामंत हे गडचिरोलीतील सूरजागड परिसराच्या पाहणी दौऱ्यावर जाणार होते. त्यासाठी ते नागपूरहून हेलिकॉप्टरने गडचिरोलीकडे जाण्याच्या तयारीत होते. मात्र, उड्डाणापूर्वीच तांत्रिक बिघाड निदर्शनास आल्याने पुढील प्रवासाबाबत परिस्थिती निर्माण झाली.
पायलटने वेळीच तांत्रिक समस्या ओळखल्याने हेलिकॉप्टरचे उड्डाण थांबवण्यात आले. त्यामुळे मोठा अनर्थ टळल्याचे समोर आले आहे.
या घटनेनंतर राजकीय वर्तुळात चर्चेला उधाण आले असून, मंत्री उदय सामंत यांच्या हेलिकॉप्टरमध्ये बिघाड झाल्याची बातमी समोर आल्यानंतर खळबळ उडाली आहे.
