परभणी- हिंगोली विधानपरिषद निवडणूक
हिंगोली (Mahayuti Saeed Khan) : परभणी-हिंगोली विधानपरिषद निवडणूकः महायुतीचे उमेदवार सईद खान यांच्या विजयाने २२ जून सोमवार रोजी हिंगोलीत महात्मा गांधी चौकात फटाक्यांची आतषबाजी करत जल्लोष करण्यात आला.
परभणी-हिंगोली स्थानिक स्वराज्य संस्था विधान परिषद निवडणुकीत महायुतीचे अधिकृत उमेदवार सईद खान (Mahayuti Saeed Khan) यांनी घवघवीत यश संपादन केले आहे. त्यांच्या या दणदणीत विजयाची घोषणा होताच हिंगोली जिल्ह्यात महायुतीच्या कार्यकर्त्यांमध्ये आनंदाचे उधाण आले. या विजयाचा आनंद साजरा करण्यासाठी हिंगोली शहरातील ऐतिहासिक आणि मुख्य केंद्रबिंदू असलेल्या गांधी चौक येथे महायुतीच्या वतीने भव्य जल्लोष करण्यात आला. यावेळी प्रमुख पदाधिकाऱ्यांची उपस्थिती होती.
या विजयोत्सवाचे नेतृत्व महायुतीमधील तिन्ही पक्षांच्या प्रमुख स्थानिक नेत्यांनी केले. यामध्ये भाजयुमोचे जिल्हाध्यक्ष शिवाजीराव मुटकुळे, हिंगोली न. प. शिवसेना गटनेते श्रीराम बांगर, नगर पालिकेचे उपाध्यक्ष अ. माबुद बागवान, शिवसेना नगरसेवक गणेश बांगर, राष्ट्रवादी काँग्रेसचे शेख निहाल भैय्या, नाना नायक, गुड्डू बांगर, नगरसेवक विशाल गोटरे, रविंद्र वाढे, खली बांगर, उमेश गुडे, हमीदभाई प्यारेवाले, कपील खंडेलवाल, अक्षय लव्हाळे, मुजीब कुरेशी, भरत चौधरी पहेलवान, प्रा. सुखदेव बलखंडे, सज्जाद बिल्डर, सुमीत कांबळे, बाशीद मौलांना, कय्युमखाँ पठाण, कैलास शहाणे, अॅड. राजेश गोटे, सुनिल मुदीराज, चेतन बांगर, माजी नगरसेवक हकीम बागवान, विलास गोरे, अल्पसंख्यांक शिवसेना शहर प्रमुख सादीक बागवान, संदिप मुदीराज यांच्यासह महायुतीचे पदाधिकारी व कार्यकर्ते मोठ्या संख्येने उपस्थित होते.
