हिंगोली (Hingoli Water Supply Bandh) : महारेलच्या कामामुळे हिंगोली शहरातील पाणीपुरवठा दोन दिवस बंद राहणार आहे. महामार्गाच्या परिसरात जलवाहिनीच्या पाईपलाईनचे आवश्यक काम हाती घेण्यात येणार असल्याने हा निर्णय घेण्यात आला आहे.
प्रशासनाने दिलेल्या माहितीनुसार, २ सप्टेंबर आणि ०३ सप्टेंबर या दोन दिवस शहराचा पाणीपुरवठा पूर्णपणे बंद राहील. या कालावधीत जलपुरवठा प्रणालीच्या क्षेत्रात पाईपलाईन स्थलांतर व दुरुस्तीचे काम केले जाणार आहे. काम पूर्ण झाल्यानंतर पाणीपुरवठा पूर्ववत करण्यात येईल, मात्र कामाच्या स्वरूपानुसार पाणीपुरवठा सुरू होण्यास काहीसा विलंब लागू शकतो, असे प्रशासनाने स्पष्ट केले आहे.
या (Hingoli Water Supply Bandh) पार्श्वभूमीवर नागरिकांनी दोन दिवस अगोदरच आपल्या गरजेनुसार पुरेसे पाणी साठवून ठेवावे आणि पाण्याचा जपून वापर करावा, असे आवाहन नगर परिषद प्रशासनाच्या वतीने करण्यात आले आहे. नागरिकांनी सहकार्य करावे, अशी विनंतीही करण्यात आली आहे.
