हिंगोली (World Clubfoot Day) : जिल्हा सामान्य रुग्णालयात आज ४ जून रोजी ‘जागतिक क्लबफूट दिन’ (World Clubfoot Day) मोठ्या उत्साहात साजरा करण्यात आला. जन्मजात दोन्ही किंवा एक पाय आतल्या बाजूला वळलेला असणे (क्लबफूट) या विकारावर जिल्हा रुग्णालयात संपूर्ण मोफत उपचार उपलब्ध असून, याद्वारे लहान मुलांच्या दिव्यांगत्वावर मात केली जात आहे, अशी माहिती यावेळी वैद्यकीय अधिकाऱ्यांनी दिली. हिंगोली जिल्हा सामान्य रुग्णालयात जन्मजात पाय आतील बाजूस वाकलेल्या बालकांसाठी विशेष मोफत उपचार मोहीम राबवली जात आहे जागतिक दर्जाच्या पद्धतीचा वापर करून दर आठवड्याला बाळाच्या पायाला विशिष्ट प्लास्टर केले जाते, ज्यामुळे पाय हळूहळू सरळ होतात.
प्लास्टरचा कोर्स पूर्ण झाल्यानंतर पाय पुन्हा वाकडे होऊ नयेत म्हणून दिले जाणारे विशेष कॅलिपर (World Clubfoot Day) आणि बूटही रुग्णालया मार्फत मोफत दिले जातात. हिंगोलीतील पालकांना मोठा दिलासा; दिव्यांगत्वाला मात, या मोहिमेमुळे हिंगोली जिल्ह्यातील ग्रामीण व दुर्गम भागातील गरीब व गरजू कुटुंबांना मोठा दिलासा मिळाला आहे. पालकांनी घाबरून न जाता पहिल्याच महिन्यात बाळाला जिल्हा सामान्य रुग्णालयात घेऊन यावे. बाळ जितके लहान, तितके त्याचे हाड लवचिक असते आणि उपचार जलद होतात.
हिंगोली जिल्ह्यातील नागरिकांनी या मोफत सुविधेचा लाभ घ्यावा आणि आपल्या पाल्याला दिव्यांगत्वापासून वाचवावे."जागतिक क्लबफूट दिनानिमित्त (World Clubfoot Day) रुग्णालयात उपचार घेत असलेल्या लहान बालकांना खेळणी, फुगे आणि खाऊचे वाटप करून त्यांचा उत्साह वाढवण्यात आला. यावेळी कार्यक्रमास डॉ. दीपक मोरे, डॉ. स्नेहल नगरे, डॉ मनीष बगडिया, डॉ गहिलोत, परिचारिका टापरे सिस्टर खंडारे, बेडे कटके परदेशी समन्वयक world clubfoot प्रतिक्षा इंगोले, प्रीती साठे, सूर्यकांत राजुलवार, जितेंद्र भट उपस्थित होते.
