एक गंभीर जखमी
कळमनुरी (Kalmanuri Accident) : कळमनुरी ते ढोलक्याची वाडी या रस्त्यावर इंदिरानगर जवळ 28 मार्च रोजी सकाळी साडेआठ वाजेच्या दरम्यान विना क्रमांकाचे ट्रॅक्टर कळमनुरीहुन ढोलक्याचीवाडी येथे जाणाऱ्या ट्रॅक्टरने समोरून येणाऱ्या दुचाकी क्रमांक एम एच 38 एसी 4709 या दुचाकी ला धडक दिली. या धडकेत दुचाकी वरील विशाल रामराव गुहाडे व ज्ञानेश्वर गुहाडे रा. ढोलक्याची वाडी हे दोघे जखमी झाले. अपघाताची माहिती मिळताच पोलीस निरीक्षक प्रेमप्रकाश माकोडे, जमादार संजय राठोड गुलाब जाधव दत्ता दहातोंडे हे घटनास्थळी जाऊन जखमींना येथील उपजिल्हा रुग्णालयात उपचारासाठी दाखल केले. या जखमेवर डॉक्टर संजय माहुरे यांनी उपचार केले यातील गंभीर जखमी असलेल्या विशाल गुहाडे यांना पुढील उपचारासाठी नांदेड येथे हलविण्यात आले. तर किरकोळ जखमी असलेल्या ज्ञानेश्वर गुहाडे यांना पुढील उपचारासाठी हिंगोली येथे पाठविण्यात आले. त्यानंतर पोलिसांनी अपघातातील ट्रॅक्टर पोलीस ठाण्यात लावण्यात आले. ट्रॅक्टर चालक फरार असल्याचे पोलिसांनी सांगितले.
