मानोरा (Manora Tehsil Uposhan) : तहसिल परिसरातील अवैध अतिक्रमण हटविण्यासह विविध मागण्या संदर्भात दि. १६ एप्रिल पासून धीरज राठोड महाराजांनी (Manora Tehsil Uposhan) आमरण उपोषण आंदोलनाला सुरुवात केली आहे. तहसीलदार यांना दिलेल्या निवेदनात नमूद केले आहे की, तहसिल समोरील वयेंडर कक्ष ही शासकीय इमारत असुन यामध्ये मान्यता प्राप्त वायेंडर बसत नाहीत. या इमारतीत एजंट म्हणून काम करणाऱ्या व्यक्तींना विद्युत मिटर दिले आहे.
या एजंट यांना तहसील विभागाने नाहरकत कोणत्या नियमाने दिले. त्यामुळे तात्काळ याबाबतची चौकशी होऊन कार्यवाही व्हावी, तसेच विना परवाना धारकांना बसण्यास प्रतिबंध करावे, तहसिल परिसरातील गट क्रमांक ७८ मधील सर्वत्र अतिक्रमण हटवावे, या मागण्या संदर्भात वारंवार विनंती निवेदने देऊनही कार्यवाही होत नसल्याने आंदोलन कर्ता धीरज राठोड महाराज यांनी तहसिल कचेरीवर आमरण उपोषणाला प्रारंभ केला आहे. (Manora Tehsil Uposhan) उपोषणाच्या पहिल्या दिवशी अनेक सामाजिक कार्यकर्त्यांनी आंदोलनाला भेट देऊन पाठींबा दिला आहे.
