बुलढाणा (Maratha Seva Sangh) : येथील सेवानिवृत्त अभियंता राजेंद्र भगत यांचे सुपुत्र युवराज भगत यांनी अमेरिकेतील न्यूयॉर्क (USA) येथे Master Degree in Engineering Management ही पदव्युत्तर पदवी यशस्वीरित्या पूर्ण करून बुलढाणा जिल्ह्याचे नाव उज्ज्वल केले आहे. त्यांच्या या उल्लेखनीय शैक्षणिक यशाची दखल घेत (Maratha Seva Sangh) मराठा सेवा संघ, बुलढाणा यांच्या वतीने आयोजित गुणवंत विद्यार्थी गौरव सोहळ्यात त्यांचा सन्मान करण्यात आला.
युवराज सध्या परदेशात असल्यामुळे त्यांच्या वतीने हा सन्मान त्यांच्या आई अलका भगत यांनी स्वीकारला. यावेळी त्यांची बहीण प्राजक्ता भगत (सी.ए. इंटरमिजिएट) हिचीदेखील उपस्थिती होती. (Maratha Seva Sangh) मराठा सेवा संघाच्या वतीने दरवर्षी विविध क्षेत्रांत उल्लेखनीय कामगिरी करणाऱ्या गुणवंत विद्यार्थ्यांचा गौरव केला जातो. यावर्षीही आयोजित करण्यात आलेल्या या सोहळ्यात युवराज भगत यांच्या शैक्षणिक यशाचा गौरव करून त्यांना पुढील वाटचालीसाठी शुभेच्छा देण्यात आल्या.
