घरामध्ये साठवणूक केलेल्या फटाक्याला आग लागल्याने अनेक जण भाजले
हिंगोली (Hingoli firecracker explosion) : शहरातील मारवाडी गल्ली भागामध्ये गोपाल बासटवार यांच्या घराला सोमवारी रात्री ७.४० च्या सुमारास लागलेल्या भिषण आगीत फटाक्याचा स्फोट होवुन काही जण जखमी झाल्याची घटना घडली आहे. यामध्ये दोघांचा मृत्यू झाल्याची माहिती प्राप्त झाली आहे. दोघांची ओळख पटली नसल्याचे सूत्रांनी सांगितले.
या संदर्भात मिळालेली माहिती अशी की, हिंगोली शहरातील मारवाडी गल्ली भागामध्ये गोपाल बासटवार यांचे निवास स्थान आहे. त्यांच्याच निवासस्थाना मध्ये त्यांनी दिपावली निमित्त फटाक्याचा साठा उपलब्ध करून ठेवला होता.५ ऑक्टोंबर रोजी रात्री ७.४० च्या सुमारास अचानक आग लागली. हळुहळु ही आग वाढतच असताना फटाके ठेवलेल्या ठिकाणीही ही आग पोहचली. यावेळी फटाक्यांची अतिषबाजी सुरू झाल्याने जवळपास असलेल्या घरामधील नागरिकांतुन एकच आरडाओरड सुरू झाली. याबाबतची माहिती हिंगोली नगर पालिकेच्या अग्निशामक दलाला दिल्याने तात्काळ अग्निशामक दलाचे वाहन घटनास्थळी पोहचले.
या (Hingoli firecracker explosion) भागात एकच पळापळ सुरू झाल्याने काहीसा गोंधळ उडाला होता. याची माहिती आ. संतोष बांगर यांना मिळताच त्यांच्यासह शिवसेना गटनेते श्रीराम बांगर, नगरसेवक कपिल खंडेलवाल यांनी देखिल तात्काळ घटनास्थळी घाव घेतली. आ.बांगर यांनी जिवाची पर्वा न करता स्वताः आग विझविण्याकरीता मोलाचे प्रयत्न केले. या आगीमध्ये बासटवार यांच्या निवासस्थानालगत असलेले रमेश चौधरी, भरत चौधरी, शैलेश नांदेडकर यांच्यासह काही जण भाजले. त्यांना तात्काळ उपचाराकरीता हिंगोलीतील लक्ष्मी लाईफ केअर हॉस्पिटलमध्ये दाखल करण्यात आले. त्यांच्यावर डॉ. अखिल अग्रवाल यांच्यासह डॉक्टरांनी औषधोपोचार केले.
दरम्यान आग विझविण्याकरीता गेलेले नगर पालिकेचे लहान अग्निशामन बंबाला ही आग लागली. यासोबतच बासटवार यांच्या घराजवळील स्क्रुटीने ही पेट घेतला. आगीचे रौद्ररुप लक्षात घेता अग्निशामक दलाच्या मोठ्या बंबालाही पाचारण करण्यात आले. या भागातील रस्ते लहान असल्याने अग्निशामक दलाचे बंब घटना स्थळी पोहचण्याकरीता तारेवरची कसरत करावी लागली. ही आग अधिकच वाढली होती. आग विझवितांना भरत चौधरी, कपिल खंडेलवाल, रमेश चौधरी, आमीश चौधरी, अग्निशामक दलावरील दोन कर्मचारी यांच्यासह सात जण जखमी झाले.
यासोबतच आणखी काही जण आगीत भाजल्याने त्यांच्यावर जिल्हा शासकीय रुग्णालयात तसेच डॉ. राम मुंढे यांच्या शुभम हॉस्पिटलमध्ये ही उपचार सुरू असल्याचे सुत्राकडुन समजले. ही आग विझविण्याकरीता मोठे शर्तीचे प्रयत्न सुरू होते. घटनास्थळी पोलीसांची यंत्रणाही दाखल झाली होती. दरम्यान या (Hingoli firecracker explosion) आगेमध्ये दोघांचा मृत्यू झाल्याची प्राथमिक माहिती मिळाली आहे. दोघांचे मृतदेह जिल्हा शासकीय रुग्णालयात आणण्यात आले असून त्यांची ओळख अद्याप पर्यंत पटली नसल्याचे सूत्रांनी सांगितले.
