कळमनुरी (Molestation Case) : कळमनुरी तालुक्यातील चिंचोर्डी येथे अल्पवयीन मुलीने आत्महत्या केल्याची धक्कादायक घटना समोर आली असून, या प्रकरणी दोन तरुणांवर गंभीर आरोप करण्यात यावे या मागणीसाठी दिनांक 18 एप्रिल रोजी नातेवाईकाचे मोठा जमाव पोलीस ठाण्यावर जाऊन छेडछाड करणाऱ्या आरोपीवर गुन्हा दाखल करा अशी मागणी केल्यानंतर पोलिसांनी दोन आरोपी विरोधात गुन्हा दाखल केले.
पोलीस ठाणे कळमनुरी येथे दाखल झालेल्या फिर्यादीनुसार मयत मुलीची आईने तक्रार दिली आहे की, दिनांक 16 एप्रिल व 17 एप्रिल 2026 रोजी दुपारी सुमारास आरोपी रितेश नंदु घोटेकर (वय 25) व ओमकार शिवाजी शेळके (वय 22, दोघे यांनी त्यांच्या 15 वर्षीय मुलीची घरात घुसून छेडछाड केली.
सदर मुलीची छेडछाड केल्यामुळे घाबरलेल्या व मानसिक तणावात आलेल्या अल्पवयीन मुलीने 17 एप्रिल रोजी सायंकाळी घरातील छताच्या पंख्याला दोरीने गळफास घेऊन आत्महत्या केल्याचा आरोप आहे. मयत मुलीवर शवविच्छेदन केल्यानंतर मयत मुलीचे नातेवाईक पोलीस ठाण्यात येऊन जोपर्यंत छेडछाड करणाऱ्या आरोपी गुन्हा दाखल होत नाही तोपर्यंत आम्ही इथून जाणार नाही अशी भूमिका घेतली यानंतर पोलिसांनी दोन जणा वर गुन्हा दाखल करण्यात आला आहे. या प्रकरणी भारतीय दंड संहितेच्या विविध कलमांसह तसेच पोस्को कायद्यांतर्गत गुन्हा नोंदविण्यात आला आहे.
सद्यस्थितीत आरोपींना अटक करण्यात आलेली नसून पुढील तपास पोलीस उपनिरीक्षक संतोष इंगळे हे करीत आहे. घटनेनंतर उपविभागीय पोलीस अधिकारी कुंदनकुमार वाघमारे, पोलीस निरीक्षक माकोडे व इतर अधिकारी घटनास्थळी भेट देऊन तपास करत आहेत.
