परभणी (Parbhani Youth Death) : गंगाखेड येथे चक्कर येऊन पडल्याने तरुण वैद्यकीय प्रतिनिधीचा मृत्यु झाल्याची घटना शुक्रवार १० जुलै रोजी दुपारी शहरात घडली. याप्रकरणी पोलीस ठाण्यात अकस्मात मृत्युची नोंद करण्यात आली आहे.
याबाबत समजलेली अधिक माहिती अशी की वैद्यकीय प्रतिनिधी म्हणून काम पाहणारा नरेश भुवनेश्वर महादावाड वय २६ वर्ष रा. पाळज ता. भोकर जि. नांदेड हा तरुण शुक्रवार १० जुलै रोजी गंगाखेड शहरातील डॉक्टरांना व्हिजिट करण्यासाठी आला असता दुपारी १ वाजेच्या सुमारास चक्कर आल्याने तो अचानक रस्त्यावर पडला तेथे जमलेल्या नागरिकांनी त्यास तातडीने शिसोदे हॉस्पिटल व नंतर गंगाखेड उपजिल्हा रुग्णालयात दाखल केले तेंव्हा वैद्यकीय अधिकारी डॉ. केशव मुंडे, परिचारिका अश्विनी मुंडे, गोविंद वडजे यांनी तपासून त्यास मयत घोषित केले.
या (Parbhani Youth Death) प्रकरणी मयत तरुणाचा चुलत भाऊ श्रीनिवास राजेश्वर महादावाड वय २९ वर्ष रा. पाळज ता. भोकर जि. नांदेड यांनी दिलेल्या खबरीवरून पोलीस ठाण्यात अकस्मात मृत्युची नोंद करण्यात आली. याचा पुढील तपास पोह संतोष व्यवहारे करीत आहेत. हृदयविकाराचा झटका आल्याने चक्कर येऊन पडल्यामुळे तरुण वैद्यकीय प्रतिनिधीचा मृत्यु झाल्याने हळहळ व्यक्त केली जात आहे.
