खळी गावासह शिवारातील वीज पुरवठा खंडीत
परभणी (Parbhani Stormy winds) : गंगाखेड येथील वादळी वाऱ्यामुळे खळी गावासह शिवारातील अनेक विजेच्या खांबासह विद्युत पुरवठा करणारा रोहित्र (डीपी) व अनेक झाडे कोसळल्यामुळे शुक्रवार १२ जून रोजीच्या रात्रीपासून या परिसरातील वीज पुरवठा खंडीत झाला होता.
याबाबत अधिक माहिती अशी की गंगाखेड तालुक्यात शुक्रवार १२ जुन रोजी रात्री उशिराने वादळी वाऱ्यासह आलेल्या पावसात खळी गावातील विठ्ठल उंडाळकर यांच्या घरावर गावात विज पुरवठा करणारा सिमेंटचा खांब कोसळताच गावातील विद्युत पुरवठा खंडीत झाला. सुदैवाने यात कोणतीही जिवीत हाणी झाली नाही. या बरोबरच खळी शिवारातील कृषी पंपांना विद्युत पुरवठा करणारा वसंतराव पवार यांच्या शेतातील रोहित्र तसेच सहा पेक्षा अधिक विजेचे खांब कोसळल्याने कृषी पंपाचा विज पुरवठा ही खंडीत झाला आहे.
तसेच खळी शिवरासह धारासूर शिवारात अनेक मोठं मोठी झाडे कोसळली आहे. यात (Parbhani Stormy winds) सुदैवाने कोणतीही जिवीत हाणी झाली नाही. खळी गावात कोसळलेल्या विजेच्या खांबावरील विद्युत वाहिन्यांना अन्य आधार देत दुपारी ३ वाजेनंतर विज पुरवठा सुरळीत करण्यात आला. मात्र शिवारातील विद्युत पुरवठा खंडित झाला असल्यामुळे कृषी पंप बंद पडल्याने जनावरांच्या पिण्याच्या पाण्याचा प्रश्न निर्माण झाला आहे.
