भरधाव वाहनाने मागून दिली धडक
मानोरा (Car Bridge Accident) : मानोरा-मंगरूळपीर महामार्गावर अभयखेडा फाट्याजवळील वळणावरील पुलावर दि. ४ मे रोजी दुपारच्या सुमारास भीषण अपघाताची घटना घडली. भरधाव वेगाने येणाऱ्या वाहनाने मागून समोरच्या कारला जोरदार धडक दिल्याने कार पुलाखालील शेतात कोसळली. या (Car Bridge Accident) अपघातात कारमधील प्रवासी जखमी झाल्याची माहिती प्राप्त झाली आहे.
सविस्तर असे की, एमएच ३१ ईयू २०५० या क्रमांकाची मारुती सुझुकी कार पुलावरून जात असताना मागून भरधाव वेगाने आलेल्या एमएच २७ डीई २९६६ या वाहनाने तिला जोरदार मागून धडक दिली. या धडकेत एमएच ३१ ईयू २०५० कारचा चालकाचे नियंत्रण सुटले आणि कार तीन - चार कोलांट्या खात थेट पुलाखालील शेतात जाऊन कोसळली.
या अपघाताच्या घटनेत कारचा मागील भाग पूर्णपणे तुटून काचा फुटल्या असून संपूर्ण कारचा चुराडा झाला आहे. (Car Bridge Accident) अपघातानंतर स्थानिक नागरिकांनी तातडीने जखमींना कारमधून बाहेर काढून रुग्णवाहिकेतून मानोरा येथील ग्रामीण रुग्णालयात दाखल केले. प्रकृती गंभीर असताना काही जखमींना वाशिम येथे हलवण्यात आले आहे. मानोरा-मंगरूळनाथ महामार्गावर अभयखेडा फाट्याजवळील हा वळणाचा पूल अपघातप्रवण क्षेत्र बनला असल्याने सबंधित विभागाने दिशादर्शक फलक लावण्याची मागणी होत आहे.
