हिंगोली (Rameshbhai Ojha) : भाईश्री रमेश भाई ओझा यांनी मातोश्री गंगादेवी देवडा निवासी अंध विद्यालयाला भेट दिली. शाळेच्या कला दालनातील मुलांनी बनवलेल्या विविध वस्तूंची पाहणी करून त्यांच्या कलेचे मनःपूर्वक कौतुक केले. या प्रसंगी मुख्याध्यापक आशिष पिंगळकर यांनी शाळेची माहिती सविस्तर दिली. शाळा मंडळ अध्यक्ष सुनील देवडा यांच्या मनोगतानंतर भाईश्री रमेश भाई ओझा (Rameshbhai Ojha) यांनी उपस्थितांना मार्गदर्शन केले.
दृष्टीबाधित मुलांचे मनोबल वाढविण्यासाठी त्यांनी पाच ज्ञानेंद्रिये हे पंचमहाभूतांचे प्रतिनिधित्व करतात असे सांगितले. "एक ज्ञानेंद्रियाची कमतरता असली तरी इतर चार मजबूत आहेत ही आठवण ठेवा. संगीताद्वारे ज्ञानप्राप्ती करा," असे प्रेरणादायी उद्गार त्यांनी काढले. महिलांनी स्वतःला 'हाउसवाइफ' न समजता 'होममेकर' म्हणून ओळखावे, असा संदेश देत कार्यकर्त्यांचे उदाहरण देताना कथा आयोजन प्रमुख वकील मनीष साकळे यांच्या नियोजनाचे विशेष कौतुक केले.
मुलांना भेटी वाटप
या वेळी मनीष साकळे यांनी मुलांसाठी ड्रेस, ब्रेल किट व चादरीची भेट आणली होती. कथावाचक रमेशभाई यांच्या हस्ते मुलांना सन्मानपूर्वक वितरित करण्यात आले. कार्यक्रमाला शहरातील अनेक मान्यवर उपस्थित होते. गांधी सेवा ट्रस्टचे सचिव सुनिलभाऊ देवडा, कोषाध्यक्ष प्रकाशजी सोनी, सचिन बगडिया, मनीष साकळे, भरत चौधरी, सचिन गुंडेवार, विकास काप्रतवार, आशिष काबरा, ज्ञानेश्वर मामडे, आनंद अग्रवाल, संजय देवडा उपस्थित होते. भाईश्रींच्या भेटीने विद्यालय परिवार उत्साही झाला असून दृष्टीबाधित मुलांना नवे दृढनिश्चय मिळाला आहे.
