सहकार क्षेत्रात झनक गटाचे निर्विवाद वर्चस्व कायम
रिसोड (District Central Bank) : राजकीयदृष्ट्या व सहकार क्षेत्रात अत्यंत प्रतिष्ठेच्या मानल्या जाणाऱ्या जिल्हा मध्यवर्ती सहकारी बँकेच्या निवडणुकीत (Shobhatai Janak) शोभाताई सुभाषराव झनक यांनी ऐतिहासिक विजय मिळवला आहे. या निकालाने झनक गटाने सहकार क्षेत्रातील आपले निर्विवाद वर्चस्व पुन्हा एकदा सिद्ध केले असून, विरोधी गटाला मोठ्या फरकाने पराभवाचा धक्का दिला आहे. (District Central Bank) अकोला-वाशीम जिल्हा मध्यवर्ती निवडणुकीत एकुण 74 मते पडली होती. सुरुवाती पासुनच शोभाताई झनक यांचे पारडे जड दिसत होते.आणि निकालाने त्यावर शिक्कामोर्तब केले. विजयी उमेदवार श्रीमती शोभाताई सुभाषराव झनक यांना 59 मते तर विरोधी गटाचे उमेदवारडॉ.विठ्ठल पाचरणे 13 मते पडली तर 2 मतदारांचे मतदान बाद झाले. विजयाचे शोभाताईं डनक यांनी आपल्या प्रतिस्पर्ध्याचा 46 मतांच्या प्रचंड फरकाने पराभव केला, जो या निवडणुकीतील चर्चेचा विषय ठरला आहे.
शोभाताई झनक या रिसोड-मालेगाव मतदारसंघाचे आमदार अमित झनक यांच्या मातोश्री आहेत.स्वर्गीय रामराव झनक, माजी मंत्री सुभाषराव झनक विद्यमान आमदार अमित झनक यांच्या पासून सुरू असलेला सहकाराचा वारसा शोभाताईंनी (Shobhatai Janak) या विजयाने अधिक भक्कम केला आहे. आमदार अमित झनक यांच्या कुशल नियोजना मुळे आणि कार्यकर्त्यांच्या फौजेमुळे हा विजय सुकर झाल्याचे बोलले जात आहे. परिसरात गुलालाची उधळण आणि जल्लोष निकाल जाहीर होताच (District Central Bank) निवडणूक केंद्राबाहेर समर्थकांनी एकच गर्दी केली. कार्यकर्त्यांनी फटाक्यांची आतषबाजी आणि ढोल-ताशांच्या गजरात गुलालाची उधळण करत हा विजय साजरा केला. या विजय मताधिक्यात विरोधकांची ही मते असल्याने विरोधकांना आत्मचिंतन करण्याची वेळ आली आहे.
जनतेचा विश्वास सार्थ ठरला (शोभाताई झनक)
विजया नंतर प्रसारमाध्यमांशी बोलताना शोभाताई झनक (Shobhatai Janak) म्हणाल्या की, "हा विजय माझा नसून बळीराजा परिवारावर विश्वास ठेवणाऱ्या सर्व मतदार आणि कार्यकर्त्यांचा आहे.जिल्हा बँकेच्या माध्यमातून शेतकऱ्यांचे प्रश्न मार्गी लावणे आणि सहकार चळवळ तळागाळातील लोकांपर्यंत पोहोचवणे ही माझी प्राथमिकता असेल. भविष्यात अधिक जबाबदारीने काम करून जनतेचा हा विश्वास मी कायम ठेवेन.".
