नांदेड (Dr. Babasaheb Ambedkar) : भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त नांदेड शहरात प्रचंड उत्साहाचे वातावरण पाहायला मिळाले. 'जय भीम'च्या जयघोषाने आणि निळ्या पाखरांच्या मेळाव्याने संपूर्ण शहर भीममय झाले होते. या जयंती महोत्सवात आदिवासी मन्नेरवारलू समाज बांधव मोठ्या संख्येने सहभागी झाले होते.
जयंतीच्या दिनी मध्यरात्री ठीक १२ वाजता शहरातील डॉ. बाबासाहेब आंबेडकर (Dr. Babasaheb Ambedkar) यांच्या पूर्णाकृती पुतळ्यास पुष्पहार अर्पण करून महामानवाला विनम्र अभिवादन करण्यात आले. तसेच १४ एप्रिल रोजी दिवसभर समाज बांधवांच्या वतीने सामाजिक बांधिलकी जपली गेली. शहरात विविध ठिकाणी पाणी वाटप, खिचडी वाटप आणि फळ वाटपाचे कार्यक्रम राबवून जनसेवा करण्यात आली. सायंकाळी काढण्यात आलेल्या भव्य मिरवणुकीतही आदिवासी मन्नेरवारलू समाज बांधवांनी आपला लक्षणीय सहभाग नोंदवला.
याप्रसंगी आदिवासी मन्नेरवारलू समाजाचे ज्येष्ठ नेते सुरेशराव अंबुलगेकर, लक्ष्मणराव ठक्करवाड, प्रसिद्ध उद्योजक मारोतराव कंठेवाड,मारोतीराव कलेटवाड देगलूरकर, सदाशिव चलनेवाड, अतुल पेदेवाड, सुनील टिप्परसे, श्याम बास्टेवाड, अविनाश अंबेराव, गिरीश भाटे,बळवंत बोधनकर, गिरीश गुरलेवाड,मधुकर उन्हाळे,व्यंकट गंदपवाड, दत्तात्रय अन्नमवाड,सुधिर राऊतवाड,पत्रकार पवन जगडमवार,शिवाजी गोपूलवाड,किरण पडलवार, शिवकुमार बैनवाड, अक्षय मुपडे यांच्यासह समाज बांधव मोठ्या संख्येने उपस्थित होते.
