पश्चिम बंगाल विधानसभा निवडणुकीत भाजपला यश; सुरेश शहा यांचा सत्कार

घोट (Suresh Shah) : पश्चिम बंगाल येथे झालेल्या विधानसभा निवडणुकीदरम्यान भारतीय जनता पक्षाच्या वतीने पानिहाटी आणि गायघाटा या विधानसभा मतदारसंघांमध्ये प्रचारासाठी भाजप बंगाली आघाडीचे जिल्हाध्यक्ष सुरेश शहा (Suresh Shah) यांनी सक्रिय सहभाग घेतला होता. या दोन्ही मतदारसंघांत भाजपने बहुमताने विजय मिळवल्यानंतर जिल्हा कार्यकारिणी बैठकीत त्यांचा सत्कार करण्यात आला.

या कार्यक्रमाला जिल्हाप्रभारी तथा आमदार बंटी भाऊ भांगडिया, जिल्हाध्यक्ष रमेश भाऊ बारसागडे, गडचिरोली विधानसभा क्षेत्राचे आमदार डॉ. मिलिंदजी नरोठे, माजी खासदार अशोक भाऊ नेते, माजी आमदार डॉ. नामदेवजी उसेंडी, माजी जिल्हाध्यक्ष किसन भाऊ नागदेवे, प्रशांत भाऊ वाघरे, बाबुराव कोहळे, ज्येष्ठ नेते प्रमोदजी पिपरे, किसान मोर्चा सचिव रमेश भाऊ भुरसे, नगराध्यक्ष प्रनोती ताई निंबाळकर, महिला जिल्हाध्यक्ष योगिता ताई पिपरे तसेच जिल्हामहामंत्री सदानंद भाऊ कूथे आदी मान्यवर उपस्थित होते. यावेळी उपस्थित मान्यवरांच्या हस्ते सुरेश शहा यांचा सत्कार करण्यात आला. सत्काराला उत्तर देताना सुरेश शहा (Suresh Shah) यांनी सर्व मान्यवरांचे आभार मानले तसेच पक्ष संघटन अधिक मजबूत करण्यासाठी कार्यरत राहण्याचा निर्धार व्यक्त केला.