खानापूर चित्ता जवळील घटना
खानापूर चित्ता (National Highway Accident) : राष्ट्रीय महामार्ग क्रमांक १६१ वर अज्ञात वाहनाने पायदळ चालणार्‍या इसमास जोरदार धडक दिल्याने झालेल्या भीषण अपघातात एका व्यक्तीचा जागीच मृत्यू झाल्याची घटना २२ ऑगस्ट रोजी घडली.
पोलीस सूत्राकडून मिळालेल्या माहितीनुसार राष्ट्रीय महामार्ग क्रमांक १६१ वर कळमनुरी कडून खानापूर चित्ताकडे रात्रीच्या वेळेस पायदळ चालत असताना कोणत्यातरी अज्ञात वाहनाने पाठीमागून येऊन जोराची धडक दिल्याने एका व्यक्तीचा मृत्यू झाला आहे. सदरील घटना २२ ऑगस्ट रोजीच्या रात्री अंदाजे साडेदहा ते अकरा वाजण्याच्या सुमारास घडली आहे. याच वेळे दरम्यान हिंगोली ग्रामीण पोलीस स्टेशनचे ११२ क्रमांक असलेले वाहन गस्त घालीत होते. *National Highway Accident( वाहनांमधील पोलीस कर्मचारी किशोर पवार, समादेशक राऊत यांना सदरील अपघात घडल्याचे लक्षात येताच त्यांनी १०८ शासकीय रुग्णवाहिकेला भ्रमणध्वनीवरून संपर्क साधला. १०८ रुग्णवाहिका घटनास्थळावर दाखल होताच दोन्ही कर्मचार्‍यांनी मयत झालेल्या इसमास हिंगोली येथील शासकीय रुग्णालयात रुग्णवाहिकी मधून दाखल केले.
परंतु वाहनाची धडक एवढी जोराची होती की, त्या धडकेमध्ये सदरील इसमाचा जागीच मृत्यू झाल्याची घोषणा शासकीय रुग्णालयातील डॉक्टरांनी केली. मयताची तपासणी केली असता मयताच्या खिशात कोणतेही कागदपत्रे आढळून आले नाही. यामुळे मयत हा नेमका कुठला? आहे. असा प्रश्न पोलीस प्रश्न समोर पडला आहे. त्याचबरोबर मयत व्यक्तीच्या नावाचा व गावाचा शोध घेणे पोलिसाला अवघड झाले आहे. मयताच्या उजव्या हातावर फक्त गोंधनातून काढलेले निलेश कविता एवढेच नाव आहे. यामुळे पुढील शोध काढणे पोलिसांना सुतावरून स्वर्ग गाठणे असे झाले आहे. एकंदरीत अपघातानंतर धडक देणारे वाहन घटनास्थळावरून पसार झाले असून, या घटनेमुळे महामार्गावरील सुरक्षिततेचा प्रश्न पुन्हा ऐरणीवर आला आहे. सदरील घटनेचा तपास बीट अंमलदार शंकर गायकवाड करीत आहेत.
