कॅलिफोर्निया (California) Apple : Apple चे विद्यमान कर्मचारी अमर भक्त यांनी कंपनीवर आयपॅड आणि आयफोनसारख्या वैयक्तिक उपकरणांद्वारे, आपल्या कर्मचाऱ्यांची हेरगिरी केल्याचा गंभीर आरोप केला आहे. भक्त 2020 पासून Apple च्या डिजिटल जाहिरात (Digital advertising) विभागात काम करत आहे. त्यांनी याप्रकरणी गुन्हा दाखल केला आहे. तंत्रज्ञान क्षेत्रातील दिग्गज Apple वर आपल्या कर्मचाऱ्यांची हेरगिरी केल्याचा आरोप करण्यात आला असून, याप्रकरणी त्यांनी तक्रार दाखल केली आहे.
गोपनीयतेच्या अधिकाराचे उल्लंघन
कर्मचारी भक्त यांचा दावा आहे की, ॲपल कर्मचाऱ्यांना त्यांचे गोपनीयतेचे अधिकार सोडण्यास भाग पाडते. खटल्यात आरोप करण्यात आला आहे की, apple कर्मचाऱ्यांना (Employee) अशा धोरणास सहमती देण्यास सांगते. ज्या अंतर्गत कंपनी त्यांच्या घरी देखील शारीरिक, व्हिडिओ आणि इलेक्ट्रॉनिक पाळत ठेवू शकते.
कारवाईत सांगण्यात आले…
“ऍपल इकोसिस्टम, Apple कर्मचाऱ्यांसाठी बाग नाही, ते तुरूंगसारखे आहे; जिथे त्यांचे सर्व वेळ निरीक्षण केले जाते.” वैयक्तिक उपकरणांचा वापर आणि डेटा तपासणी ऍपल कर्मचाऱ्यांना केवळ Apple-निर्मित उत्पादने वापरण्याचा सल्ला देते. परंतु कामाच्या उपकरणांवर कंपनीचे निर्बंध बहुतेक कर्मचाऱ्यांना त्यांची वैयक्तिक उपकरणे वापरण्यास भाग पाडतात.
Apple धोरणानुसार, कर्मचारी त्यांचे वैयक्तिक उपकरण वापरत असल्यास, त्यांच्या वैयक्तिक खात्यांशी संबंधित कोणताही डेटा जसे की, ईमेल, फोटो, व्हिडिओ, नोट्स, ऍपलद्वारे तपासणीसाठी उपलब्ध असू शकतात. ऍपल कर्मचाऱ्यांना त्यांच्या कामाच्या ठिकाणाची परिस्थिती, वेतन आणि राजकीय क्रियाकलापांबद्दल बोलण्यापासून प्रतिबंधित करते असाही खटल्यात आरोप आहे. भक्त यांचा दावा आहे की, Apple ने त्याला पॉडकास्टवर (Podcast) डिजिटल जाहिरातींमधील अनुभवाबद्दल बोलण्यापासून रोखले. कंपनीने त्याला ॲपलमधील त्याच्या कामाशी संबंधित काही माहिती त्याच्या लिंक्डइन प्रोफाइलमधून काढून टाकण्याचे आदेश दिले.
