कारंजा/वाशिम (Assistant teacher) : कारंजा पंचायत समिती (Panchayat Samiti) अंतर्गत असलेल्या पानगव्हाण येथील (Zilla Parishad) जिल्हा परिषद प्राथमिक शाळेत कार्यरत असलेल्या सहाय्यक शिक्षकाने काजळेश्वर येथील अकोला जिल्हा मध्यवर्ती बँकेतील शालार्थ खात्यातील रकमेवर डल्ला मारल्याचा धक्कादायक प्रकार उघडकीस आला. या संदर्भात मुख्याध्यापिकेने दिलेल्या तक्रारीवरून ग्रामीण पोलीसानी सहाय्यक शिक्षकाविरुद्ध विविध कलमानुसार गुन्हा दाखल केला आहे. विजयकुमार बिसनजी रौराळे असे आरोपी शिक्षकाचे नाव असून ते पानगव्हाण येथील जिल्हा परिषद शाळेत सहाय्यक शिक्षक म्हणून कार्यरत आहेत.
पानगव्हाण शाळेतील धक्कादायक प्रकार
जिल्हा परिषद प्राथमिक शाळा, (Zilla Parishad) पानगव्हाणचे शिक्षकाच्या वेतनातील शालार्थ शासकीय कपातीचे खाते हे काजळेश्वर येथील अकोला जिल्हा मध्यवर्ती बँकेत असुन त्या बँक खात्यामध्ये एलआयसी ,इन्कम टॅक्स व शिक्षक पतसंस्थाचे माझे व रौराळे यांचे पैसे जमा होतात. शालार्थ शिक्षक वेतनातील कपातीचे शासकीय खात्याचे सन 2023-24 चे आर्थीक वर्षातील झालेल्या खर्चाचा लेखाजोखा किवा ताळेबंद करायचा असल्याने शालार्थ खात्याचे पास बुक एन्ट्री करून आणले आणि ताळेबंदाचा जमा खर्च नोंदवहीत लिहीत असतांना बँकेच्या पासबुक एन्ट्री पाहिल्यानंतर 20 सप्टेंबर 2023 रोजी 4500 रुपये रक्कम विड्रॉलव्दारे बँकेतुन काढल्याचे लक्षात आले. त्यानंतर बँकेत जाऊन पडताळणी केली असता, सदर बँकेची स्लीप माझ्या हस्ताक्षरात भरलेली नसुन त्यावर शाळेचा शिक्का मी मारलेला नव्हता व सही देखील केली नव्हती असे दिसले.
पोलिसात गुन्हा दाखल
तसेच सीसीटीव्ही फुटेज पाहले असता माझ्या असे निदर्शनात आले की, माझ्या शाळेचे सहाय्यक शिक्षक विजयकुमार बिसनजी रौराळे हे बँकमध्ये शाळेच्या शालार्थ बैंक पासबुक सह दिसले .सहाय्यक शिक्षक विजयकुमार बिसनजी रौराळे यांनी माझी बनावट सही करून माझ्या शाळेच्या शिक्याचा व शालार्थ बँक पासबुकचा दुरउपयोग करुन 4500 रुपये मला कोणत्याही प्रकारची सुचना न देता व मी कर्तव्यावर हजर असताना लेखी स्वरुपाची परवानगी न घेता शिक्षकाच्या वेतनातील शालार्थ शासकीय कपातीचे खात्या मधुन पैस काढून माझी फसवणुक केली आहे. अशा आशयाच्या मुख्याध्यापिका कु. कमलेश दिगंबर डोंगरे यांच्या फिर्यादीवरून (Karanja Police) ग्रामीण पोलीसानी शिक्षक विजयकुमार रौराळे यांचेविरुद्ध भा.द.वि.च्या कलम 420 , 465 ,467 ,468 व 471 नुसार गुन्हा दाखल केला आहे. या प्रकरणाचा अधिक तपास ठाणेदार प्रवीण खंडारे यांच्या मार्गदर्शनात ग्रामीण पोलीस करीत आहेत.
