Brother Murder Case: सख्या भावाने केली मित्राच्या मदतीने भावाची हत्या!

तुमसर येथील आंबेडकर नगरातील घटना

तुमसर (Brother Murder Case) : शहरातील आंबेडकर नगर (आंबा टोली) येथील रोशन प्रकाश वासनिक (वय ३५) या युवकाची हत्या सख्ख्या भावानेचे केल्याचे पोलीस तपासात समोर आले आहे. बुधवार, दि. ६ ऑगस्ट दुपारी घडलेल्या या प्रकरणावर हत्या की नैसर्गिक मृत्यू?’ असा थेट सवाल उपस्थित केला होता. अखेर पोलिस तपासात धक्कादायक बाब समोर आली असून, ही (Brother Murder Case) हत्याच असल्याचे स्पष्ट झाले आहे. विशेष म्हणजे, रोशनचा खून त्याच्याच सख्ख्या भावाने मित्रासोबत केल्याचे निष्पन्न झाले आहे. रोहन वासनिक रा. आंबेडकर नगर तुमसर व त्याचा मित्र लारा किरण मारबते(२८) रा. माकडे नगर असे आरोपींची नावे आहेत.

मृतक रोशन वासनिक गेल्या काही वर्षांपासून मद्यप्राशनाच्या आहारी गेला होता. वडिलांच्या निधनानंतर त्याचे मानसिक संतुलन डळमळीत झाले होते. तो वारंवार आपल्या आईशी उद्धटपणे वागत असे. या वागणुकीमुळे कुटुंबात तणाव वाढला होता. बुधवार, दि. ६ ऑगस्ट रोजी दुपारच्या दरम्यान रोशनने पुन्हा एकदा मद्यधुंद अवस्थेत आईशी गैरवर्तन केले. त्याच वेळी लहान भाऊ रोहन वासनिकने रागाच्या भरात रोशन च्या डोक्यावर वीट फेकून मारली. जखमी अवस्थेत रोशन घरी परतून झोपला.

घटनास्थळाजवळच राहणारा मित्र लारा मारबते हा काही वेळाने रोशनकडे गेला. त्याने देखील रागाच्या भरात लाथाबुक्क्यांनी आणि काठीने रोशनवर हल्ला चढवला. त्याने दिलेली पोटावर जोरदार किक हीच (Brother Murder Case) मृत्यूचे मुख्य कारण ठरली, असा वैद्यकीय अंदाज आहे. या किकमुळे लिव्हरवर गंभीर परिणाम झाला असावा. काही तासांनी रोशन हा आईला मृतावस्थेत आढळून आला.

घटनेनंतर तुमसर पोलिस आणि जिल्हा गुन्हे शाखेचे अधिकारी घटनास्थळी दाखल झाले. घटनास्थळाची पाहणी, जबाब नोंद या आधारे पोलिसांनी रोहन वासनिक आणि लारा मारबते या दोघां मित्रा विरोधात खुनाचा गुन्हा (Brother Murder Case) दाखल केला. गुरुवार, दि. ७ ऑगस्ट रोजी दोघांनाही न्यायालयात हजर करण्यात आले असता, न्यायालयाने त्यांना दि. ११ ऑगस्टपर्यंत पोलीस कोठडी सुनावली आहे. प्रकरणाचा तपास सहाय्यक पोलीस अधीक्षक मयंक माधव करीत आहेत.

लारा तडीपार असूनही तुमसरात?

रोशनचा मित्र लारा किरण मारबते याच्यावर यापूर्वी चोर्‍यांचे गुन्हे दाखल असल्याची माहिती समोर आली आहे. तो नागपूरमधे तडीपार होता, तरी तो तुमसरमध्ये कसा वावरत होता? याकडे पोलीस यंत्रणांचे दुर्लक्ष झाल्याची टीका सुरू झाली आहे.

सख्खा भाऊच मारेकरी!

एका घरातील सख्खा भाऊच दुसर्‍या भावाचा मित्राच्या मदतीने जीव घेतो, हा प्रकार थरारक असून शहरवासीयांसाठी धक्कादायक आहे. कुटुंब उद्ध्वस्त करणार्‍या या (Brother Murder Case) घटनेमुळे परिसरात हळहळ व्यक्त होत आहे.!