गंगाखेड परळी रस्त्यावरील घटना
परभणी (Parbhani Youth Death) : गंगाखेड येथे रस्त्यात उभ्या असलेल्या हायवा वाहनावर पाठीमागून ऑटो धडकल्याने ऑटो चालक तरुणाचा जागीच मृत्यु झाल्याची घटना शनिवार २३ मे रोजी रात्री अंदाजे ७ वाजेच्या सुमारास घडली.
याबाबत समजलेली अधिक माहिती अशी गंगाखेड येथून परळीच्या दिशेने जाणारा ऑटो क्रमांक एमएच २३ एक्स ३०४९ हा निळा पाटी येथून पुढे निघालेला ऑटो रस्त्यावर उभ्या असलेल्या हायवा वाहनावर पाठीमागून धडकल्याने झालेल्या अपघातात ऑटो चालक परमेश्वर विठ्ठल कर्वे वय ३७ वर्ष रा. साळुंकवाडी ता. परळी गंभीर जखमी झाला. अपघाताची माहिती समजताच गंगाखेड येथील रुग्णावाहिका चालक दिपक सपकाळ यांनी (Parbhani Youth Death) अपघातस्थळी धाव घेत गंभीर जखमी परमेश्वर कर्वे यांना परळी उपजिल्हा रुग्णालयात दाखल केले. येथील डॉक्टरांनी त्यांना तपासून मयत घोषित केले.
