परभणी शहरातील कुर्बान अली शाह नगरात स्थागुशाची कारवाई
परभणी (Parbhani pistol seized) : कंबरेला पिस्तूल लावून फिरणार्‍या एकाला स्थानिक गुन्हे शाखेच्या पथकाने ताब्यात घेतले. परभणी शहरातील कुर्बान अली शाह नगरात कारवाई करण्यात आली. संबंधिताजवळून पिस्तूल, एक जिवंत काडतूस आणि मोबाईल जप्त करण्यात आला. या प्रकरणी ३१ मे रोजी कोतवाली पोलिसात गुन्हा दाखल करण्यात आला आहे.
स्थागुशाचे पोउपनि. चंदनसिंह परिहार, सपोउपनि. मधूकर चट्टे, निलेश भुजबळ, सुग्रीव केंद्रे, पोलीस अंमलदार सय्यद उमर, जमीर फारुकी, महेशकुमार पांगरकर, शेख रफिक, प्रमोद पुरी, गजानन क्षिरसागर, हनवते यांचे पथक अवैध धंद्यांची माहिती काढत गस्त घालत होते. या पथकाला कुर्बान अली शाह नगर भागात एक इसम कंबरेला पिस्तूल लावून फिरत असल्याची माहिती मिळाली. यावरुन पोलिसांनी शेख मुज्जमील याला ताब्यात घेतले. (Parbhani pistol seized) त्याची झडती घेतली असता संबंधिता जवळ पिस्तूल मिळून आले. तसेच त्याच्या जवळ एक जिवंत काडतूस देखील होते. अधिक चौकशी केल्यावर संबंधिताने पिस्तूल कुठून आणले याची माहिती सांगितली. या प्रकरणी सपोउपनि. सुग्रीव केंद्रे यांच्या फिर्यादीवरुन शेख मुज्जमील, शेख रहिम उर्फ शेरा, खय्युम बेग, पुनम यांच्यावर गुन्हा नोंदविण्यात आला आहे.
