हत्या करून पती थेट पोलिस ठाण्यात...!
परभणी (Charthana Brutal Murder) : जिंतूर तालुक्यातील चारठाणा येथे पत्नीच्या चरित्रावर संशय घेत पतीनेच पत्नीची काठीने मारहाण करून डोक्यात दगड घालून निर्घृण हत्या केल्याची धक्कादायक घटना बुधवारी पहाटे उघडकीस आली. या घटनेमुळे चारठाणा परिसरात मोठी खळबळ उडाली असून नागरिकांमध्ये भीतीचे वातावरण निर्माण झाले आहे.
मिळालेल्या माहितीनुसार, सुमित्रा श्रीधर गायकवाड (वय ३८, रा. चारठाणा ता. जिंतूर) असे मृत महिलेचे नाव आहे. बुधवारी सकाळी साडेपाच वाजण्याच्या सुमारास आरोपी पती श्रीधर गायकवाड याने आपल्या पत्नीला दुचाकीवर बसवून गावालगत असलेल्या जिंतूर–जालना महामार्गावरील शेतातील आखाड्यावरील निवार्‍याकडे नेले. तेथे दोघांमध्ये वाद झाल्यानंतर आरोपीने प्रथम पत्नीला काठीने बेदम मारहाण केली. त्यानंतर संतापाच्या भरात तिच्या डोक्यात मोठा दगड घालून तिची (Charthana Brutal Murder) हत्या केली.
या (Charthana Brutal Murder) अमानुष हल्ल्यात सुमित्रा गायकवाड यांचा जागीच मृत्यू झाला. घटनेनंतर आरोपी श्रीधर गायकवाड स्वतः चारठाणा पोलीस ठाण्यात हजर झाला व त्याने गुन्ह्याची कबुली देत संपूर्ण प्रकाराची माहिती पोलिसांना दिली.
घटनेची माहिती मिळताच चारठाणा पोलीस ठाण्याचे सहाय्यक पोलीस निरीक्षक मुंजाजी दळवे, बीट जमादार उद्धव माने, उद्धव सातपुते, गुप्तचर विभागाचे उमेश बारहाते यांच्यासह पोलिसांनी घटनास्थळी धाव घेत पंचनामा केला. तसेच मृतदेह शवविच्छेदनासाठी जिंतूर ग्रामीण रुग्णालयात पाठविण्यात आला आहे. प्राथमिक माहितीनुसार, (Charthana Brutal Murder) पत्नीच्या चरित्रावर संशय घेतल्यामुळे हा खून झाल्याचे समोर येत असून या प्रकरणी चारठाणा पोलीस ठाण्यात गुन्हा दाखल करण्याची प्रक्रिया सुरू आहे. पुढील तपास पोलीस प्रशासनाकडून करण्यात येत आहे.
