१,३०० लिटर मोहफुलाचा सडवा नष्ट...
घोट ( illicit Liquor Action) : पोलीस मदत केंद्र घोट अंतर्गत येणाऱ्या रेखेगाव जंगल परिसरात हातभट्टी दारू निर्मितीसाठी साठवून ठेवलेल्या मोठ्या प्रमाणातील मोहफुलाच्या सडव्यावर घोट पोलिसांनी धडक कारवाई केली. या कारवाईत एकूण १ हजार ३०० लिटर मोहफुलाचा सडवा तसेच दारू निर्मितीसाठी वापरण्यात येणारे साहित्य जप्त करून नष्ट करण्यात आले. प्राप्त गुप्त माहितीच्या आधारे पोलिसांनी रेखेगाव जंगल परिसरात छापा टाकला असता आरोपी सुशांत परिमल विश्वास (वय ४०,रा. नेताजीनगर) याने हातभट्टी दारू निर्मितीसाठी ७५० लिटर मोहफुलाचा सडवा तयार करून ठेवल्याचे आढळून आले. या (illicit Liquor Action) प्रकरणी सुमारे ६२ हजार रुपयांचा मुद्देमाल जप्त करण्यात आला.
तसेच दुसऱ्या कारवाईत शंकर दयाल पाल (वय ३२, रा. जानाळा) याच्या ताब्यातून ५५० लिटर मोहफुलाचा सडवा,११ प्लास्टिक ड्रम,२ लोखंडी ड्रम व इतर साहित्य असा एकूण ४३ हजार ७०० रुपयांचा मुद्देमाल जप्त करण्यात आला. (illicit Liquor Action) दोन्ही आरोपींविरुद्ध महाराष्ट्र दारूबंदी कायदा कलम ६५(फ) अन्वये गुन्हे दाखल करण्यात आले असून पुढील तपास सुरू आहे. सदर घटनेच्या तपास सहाय्यक पोलीस निरीक्षक किशोर शिंदे यांच्या मार्गदर्शनाखाली पोलीस अधिकारी व कर्मचाऱ्यांकडून करण्यात येत आहे. या धडक कारवाईमुळे परिसरातील अवैध हातभट्टी दारू व्यवसायाला मोठा आळा बसला असून पोलिसांच्या या कारवाईचे नागरिकांकडून स्वागत करण्यात येत आहे.
