प्रिस्टिना/ कोसोवो (Kosovo Parliament Protest) : कोसोवोच्या संसदेत राजकीय तणावाचा भडका उडाला. विरोधी पक्षाच्या खासदार टाइम काद्रिजाज यांनी कार्यवाहक पंतप्रधान एल्बिन कुर्ती यांच्यावर अंडी फेकल्याने संसदेत एकच गोंधळ उडाला. या (Kosovo Parliament Protest) घटनेनंतर सभागृहाचे कामकाज काही काळासाठी थांबवावे लागले.
“तुम्हाला लाज वाटली पाहिजे” म्हणत अंडी फेकली
कुर्ती यांच्यावर अंडी फेकण्यापूर्वी काद्रिजाज यांनी त्यांच्यावर जोरदार नाराजी व्यक्त केली. त्यांनी कुर्ती यांना उद्देशून “तुम्हाला लाज वाटली पाहिजे” असे म्हणत अंडी फेकली. या प्रकारानंतर संसदेत काही काळ तणावाचे वातावरण निर्माण झाले.
सरकार स्थापनेवरून राजकीय पेच
कोसोवोमध्ये नवीन सरकार आणि संस्थांच्या स्थापनेवरून गेल्या काही काळापासून राजकीय गतिरोध निर्माण झाला आहे. कुर्ती विरोधी पक्षांशी चर्चा करून सरकार स्थापनेसाठी तसेच राष्ट्रपती निवडणुकीसाठी आवश्यक पाठिंबा मिळवण्याचा प्रयत्न करत आहेत. मात्र, या चर्चेत अद्याप ठोस तोडगा निघालेला नाही.
Tensions in Kosovo’s Parliament: Opposition MPs throw eggs at Kurti after the VV leader once again fails to nominate a candidate for Speaker pic.twitter.com/iGtCnA1feY
— Besnik Velija (@BesnikVe) August 8, 2026
कोण आहेत एल्बिन कुर्ती?
एल्बिन कुर्ती हे कोसोवोचे प्रमुख राजकारणी असून वेटेवेंडोसजे पक्षाचे नेते आहेत. ते सध्या कार्यवाहक पंतप्रधान म्हणून जबाबदारी सांभाळत आहेत. 7 जूनच्या संसदीय निवडणुकीत त्यांच्या पक्षाला 120 पैकी 53 जागा मिळाल्या. मात्र, (Kosovo Parliament Protest) बहुमतासाठी आवश्यक संख्याबळ नसल्याने त्यांना इतर पक्षांचा आणि जातीय अल्पसंख्याक खासदारांचा पाठिंबा आवश्यक आहे.
राष्ट्रपती निवडणूकही ठरतेय कळीचा मुद्दा
कोसोवोच्या संसदेत (Kosovo Parliament Protest) राष्ट्रपती निवडण्यासाठी दोन-तृतीयांश बहुमताची आवश्यकता आहे. कुर्ती यांच्या पक्षाकडे एकट्याने हे संख्याबळ नसल्याने विरोधकांची भूमिका महत्त्वाची ठरत आहे. अनेक दिवसांच्या चर्चेनंतरही राष्ट्रपतीपदाच्या उमेदवारावर सहमती होऊ शकलेली नाही. त्यातच संसद अध्यक्ष निवडीची घटनात्मक मुदतही संपल्याने संकट अधिक गडद झाले आहे.
कोसोवोमध्ये वारंवार निवडणुका, राजकीय अस्थिरता कायम
गेल्या दोन वर्षांहून अधिक काळात कोसोवोमध्ये तीन निवडणुका झाल्या आहेत. फेब्रुवारी 2025 मधील निवडणुकीनंतरही स्पष्ट बहुमताचा प्रश्न निर्माण झाला होता. त्यानंतरच्या राजकीय घडामोडींमध्ये कुर्ती यांच्या पक्षाने अल्पसंख्याक खासदारांच्या मदतीने बहुमत मिळवले होते. मात्र, जूनमधील निवडणुकीत पक्षाचा मतवाटा 51 टक्क्यांवरून 43 टक्क्यांपर्यंत घसरला. या (Kosovo Parliament Protest) पार्श्वभूमीवर सरकार स्थापनेचा पेच, राष्ट्रपती निवडणूक आणि संसद अध्यक्षपदाचा प्रश्न यामुळे कोसोवोमध्ये राजकीय अस्थिरता वाढली आहे. अशातच पंतप्रधानांवर संसदेत अंडी फेकण्याच्या घटनेने या संकटाची तीव्रता पुन्हा समोर आली आहे.
