रिसोड (Farmers) : रिसोड तालुक्यातील अतिवृष्टीग्रस्त शेतकऱ्यांना शासनाचा (Government) दिलासा, तब्बल 32 करोड रुपये शेतकऱ्यांच्या खात्यात जमा, तहसीलदार प्रतीक्षा तेजनकर यांची माहिती रिसोड तालुक्यातील शेतकऱ्यांना सरकारने अतिवृष्टीमुळे झालेल्या नुकसानीची तात्काळ आर्थिक मदत दिली आहे. जुलै ते ऑगस्ट २०२५ दरम्यान रिसोड तालुक्यातील ग्रामीण भागात मुसळधार पावसामुळे नद्या व नाले तुडुंब भरून वाहू लागले आणि त्या नदी नाल्यांना पूर येऊन त्याचे पाणी शेतात शिरल्याने हजारो शेतकऱ्यांच्या शेतातील उभे पीक नष्ट झाले, त्याचबरोबर माती वाहून गेली आणि काही शेतांमध्ये फक्त दगड शिल्लक राहिल्याने शेतकऱ्यावर मोठ्या प्रमाणात आर्थिक संकट कोसळले होते व शेतकरी त्रस्त झाला होता त्यामुळे नुकसानग्रस्त शेतकऱ्यांना शासनाने आर्थिक मदत करावी अशी मागणी शेतकरी करीत होते.
तहसीलदार प्रतीक्षा तेजनकर (Tehsildar Pratiksha Tejankar) यांनी सांगितले की, प्रशासनाने नुकसानीचे मूल्यांकन पूर्ण केले असून, अतिवृष्टीमुळे बाधित शेतकऱ्यांसाठी एकूण ₹३७७.३८५ दशलक्ष अनुदान मंजूर केले आहे. यातून ५५,६०७ शेतकऱ्यांपैकी ४३,७६९ शेतकऱ्यांच्या खात्यात ₹३२१.७३ दशलक्ष थेट जमा केली गेली आहे. उर्वरित ११,८३८ शेतकऱ्यांसाठी अनुदान मंजूर झाले असले तरी, बँक खात्याशी संबंधित अपूर्ण माहिती, संमती पत्र किंवा अन्य कागदपत्रांची कमतरता असल्याने त्यांच्या खात्यात रक्कम अद्याप जमा झालेली नाही. तहसीलदार तेजनकर यांनी शेतकऱ्यांना आवाहन केले आहे की, आपले बँक खाते क्रमांक, बँक पासबुक माहिती तसेच शेअर्ड खाते असल्यास सह-खातेदारांची स्वाक्षरी असलेले संमतीपत्र ग्रामपंचायत, ग्राम महसूल अधिकारी किंवा कृषी सहाय्यक यांना त्वरित सादर करावे, जेणेकरून अनुदानाची रक्कम त्यांच्या खात्यात लवकरात लवकर जमा करता येईल.
तहसीलदार प्रतीक्षा तेजनकर यांनी स्पष्ट केले की, सरकार आणि प्रशासन शेतकऱ्यांच्या कल्याणासाठी पूर्णपणे संवेदनशील आणि वचनबद्ध आहे. अतिवृष्टीमुळे बाधित प्रत्येक पात्र शेतकऱ्याला न्याय आणि वेळेवर अनुदान मिळावे यासाठी प्रशासन सतत प्रयत्नशील आहे. रिसोड तालुक्यातील शेतकऱ्यांनी आवश्यक कागदपत्रे पूर्ण करून सरकारी अनुदानाचा लाभ घेणे आवश्यक आहे. यामुळे शेतकऱ्यांना आर्थिक संकटातून दिलासा मिळणार आहे.