बुलडाणा (farmer committed suicide) : तालुक्यातील चांडोळ येथील अल्पभूधारक शेतकरी देविदास दशरथ शेळके वय ५० वर्ष यांनी आपल्या राहत्या घरात छताला दोरीच्या साहाय्याने आत्महत्या केल्याची घटना आज दि. १२ मार्च रोजी दुपारच्या सुमारास उघडकीस आली.
मिळालेल्या प्राप्त माहितीनुसार, चांडोळ येथील (farmer committed suicide) शेतकरी देविदास दशरथ शेळके यांनी आपल्या राहत्या घरात छताला गळफास लावून आत्महत्या केली. मागील काही महिन्यांपासून शेतीच्या मालाला योग्य भाव मिळत नसल्याने तसेच महाराष्ट्र बँकेचे कर्जबाजारी असल्याने तो चिंतित राहत होता. घरात कोणीच नसल्याची त्याने संधी साधत छताला गळफास घेऊन आत्महत्या केल्याची फिर्याद मृतकाचे भाऊ रामदास शेळके यांनी धाड पोलिसात दिली. तेव्हा पोलिसांनी घटनास्थळी धाव घेत पंचनामा केला.
तसेच मृतदेह शवविच्छेदणासाठी ग्रामीण रुग्णालय धाड येथे पाठविण्यात आले असून, पोलिसांनी मर्ग दाखल करण्यात आला आहे. सदर (farmer committed suicide) शेतकऱ्याजवळ चार एकर शेती आहे मात्र सततच्या नपिकी व एका पायाने अपंग असलेला शेतकरी त्रस्त झाला होता. त्यामुळे त्याने आत्महत्येचे टोकाचे पाऊल उचलले. असल्याची चर्चा परिसरात होत आहे. त्याच्या पश्चात पत्नी, मुलगा, मुलगी, भावंडे असा मोठा आप्त परिवार आहे.घटनेचा पुढील तपास धाड पोलिस करीत आहे.
