पिंपळदरी पोलीसात आकस्मात मृत्यूची नोंद; मुलीच्या लग्नासाठी घेतले होते कर्ज
परभणी (Parbhani Farmer suicides) : मुलीच्या लग्नासाठी मित्राकडून घेतलेल्या उधार रक्कमेची परतफेड कशी करावी, या आर्थिक चिंतेतून गंगाखेड तालुक्यातील दामपुरी येथील शेतकरी फुलचंद शिवराम नागरगोजे (वय ४७) यांनी विषारी औषध प्राशन करून आत्महत्या केल्याची घटना ४ जून रोजी पहाटे ५.४५ वाजता अहमदपूर येथे घडली. पोलिसांनी दिलेल्या माहितीनुसार, फुलचंद नागरगोजे हे काही दिवसांपासून आर्थिक अडचणीत होते. (Parbhani Farmer suicides) मुलीच्या लग्नासाठी त्यांनी मित्राकडून उधार रक्कम घेतली होती.
मात्र, ही रक्कम परतफेड कशी करायची, याची चिंता त्यांना सतावत होती. या मानसिक तणावातून त्यांनी विषारी औषध प्राशन केल्याचे समोर आले आहे. या प्रकरणी भरत शिवराम नागरगोजे यांनी दिलेल्या माहितीवरून पिंपळदरी पोलीस ठाण्यात आकस्मिक मृत्यूची नोंद (Parbhani Farmer suicides) करण्यात आली आहे. या प्रकरणाचा पुढील तपास पोलीस हवालदार धुळगुंडे करीत आहेत.दरम्यान या घटनेमुळे परिसरात हळहळ व्यक्त होत आहे.
