सरकारकडून अधिकृत आदेश जारी!
नवी दिल्ली (Petrol Diesel Prices) : सोमवारी सरकारने पेट्रोल आणि डिझेलवरील उत्पादन शुल्कात प्रतिलिटर 2 रुपयांची वाढ केली. दिलासा देणारी बाब म्हणजे, उत्पादन शुल्कात वाढ झाल्यामुळे सर्वसामान्यांवर कोणताही अतिरिक्त भार पडणार नाही. जागतिक स्तरावर तेलाच्या किमतींमध्ये सुरू असलेल्या, चढउतार आणि ट्रम्प प्रशासनाने (Trump Administration) प्रत्युत्तरात्मक शुल्काची घोषणा केल्याच्या पार्श्वभूमीवर हा निर्णय घेण्यात आला आहे. पेट्रोल आणि डिझेलचे नवीन दर 8 एप्रिलपासून लागू होतील. सरकारकडून अधिकृत आदेश जारी करून ही माहिती देण्यात आली.
पेट्रोल आणि डिझेलवर किती उत्पादन शुल्क आहे?
सोमवारी सरकारने (Govt) पेट्रोल आणि डिझेलवरील उत्पादन शुल्कात प्रति लिटर 2 रुपयांची वाढ केली. या आदेशात म्हटले आहे की, पेट्रोलवरील उत्पादन शुल्क प्रति लिटर 13 रुपये आणि डिझेलवरील उत्पादन शुल्क प्रति लिटर 10 रुपये वाढवण्यात आले आहे.
गोंधळाची स्थिती!
सरकारने ही अधिसूचना जारी करताच, पेट्रोल (Petrol) आणि डिझेलच्या (Diesel) किमतीही वाढवण्याच्या बातम्या येऊ लागल्या. या वाढीचा भार सामान्य माणसालाही सहन करावा लागेल. याचा किरकोळ किमतींवर काय परिणाम होईल, हे आदेशात सांगितलेले नाही. तथापि, नंतर परिस्थिती स्पष्ट झाली. उद्योग सूत्रांच्या मते, किरकोळ किमतींमध्ये बदल होण्याची शक्यता नाही. आंतरराष्ट्रीय तेलाच्या किमती घसरल्यामुळे पेट्रोल आणि डिझेलच्या किमती कमी करून वाढीव उत्पादन शुल्क (Increased Excise Duty) समायोजित केले जाण्याची शक्यता आहे.
